შაშკინი: ამერიკელების კვლევებში წერია, რომ ამერიკული უნივერსიტეტისთვის ერთადერთი კარგი ადგილი ბათუმია

2015-01-14 15:42:41, 2002 ნახვა

საზოგადოება

განათლებისა და მეცნიერების ყოფილი მინისტრი დიმიტრი შაშკინი ფონდ "ქართუს" მიერ თბილისში დაგეგმილ ტექნოლოგიური უნივერსიტეტის მშენებლობის საკითხს გამოეხმაუარა.
რიოგორც შაშკინმა განაცხადა, ამერიკელების მიერ ჩატარებულ ორ კვლევაში წერია, რომ ახალი ამერიკული უნივერსიტეტისთვის ერთადერთი კარგი ადგილი ბათუმია.
"იყო ჩატარებული 2 კვლევა. ერთი საქართველოს მთავრობის დაფინანსებით, მეორე ამერიკული მხარის დაფინანსებით.ორივეს ატარებდნენ ამერიკელები.ეს ორივე კვლევა დევს კანცელარიაში და განათლების სამინისტროს არქივში.ორივე კვლევაში წერია, რომ ახალი ამერიკული უნივერსიტეტისთვის ერთადერთი კარგი ადგილი ბათუმია.ყველაფერი მზად იყო, უნივერისტეტებიც მზად იყვნენ, ფულიც იყო, შენობაც აშენებული იყო. უნდა გადაეჭრათ წითელი ლენტი. შემოეშვათ სტუდენტები. ქართველებისთვის იქნებოდა უფასო და დაეწყოთ სწავლა",-აღნიშნა დიმიტრი შაშკინმა "რუსთავი2"-თან საუბრისას.
ცნობისთვის, თბილისის მერმა დავით ნარმანიამ ტექნოლოგიური უნივრესიტეტის მშენებლობასთან დაკავშირებით, ფონდ „ქართუს“ წარმომადგენლებთან კონსულტაციები უკვე გამართა. ნარმანიას თქმით, უნივერსიტეტის ასაშენებლად რამდენიმე ტერიტორიას განიხილავენ.
„ამ საკითხთან დაკავშირებით, კონსულტაცია უკვე გვქონდა ფონდ „ქართუს“ წარმომადგენლებთან. არის რამდენიმე ტერიტორია, რომელიც შეიძლება მათ შევთავაზოთ. გააჩნია პროექტი რა მოცულობის იქნება და შესაბამისად, რა ტერიტორია დასჭირდება. კონსულტაციებს აუცილებლად გავაგრძელებთ, როდესაც პროექტი წარმოდგენილი იქნება“, - განაცხადა დავით ნარმანიამ.
ბათუმში მიხეილ სააკაშვილის ხელისუფლებისას აშენებულ ტექნოლოგიური უნივერსიტეტის შენობას ხელისუფლება აუქციონზე 25 მლნ დოლადარ ყიდის.