მამა გიორგი მამალაძის სახაზინო ადვოკატის პაატა მეხრიშვილის განცხადებით, ბრალდების მთავარმა მოწმემ ირაკლი მამალაძემ სასამართლოს არათანმიმდევრული და ურთიერთგამომრიცხავი ჩვენება მისცა.

როგორც მან პროცესის დასრულების შემდეგ ჟურნალისტებს განუცხადა, ირაკლი მამალაძის მიერ სასამართლოში მიცემული ჩვენება გამოძიებასთან მიცემულ ჩვენებასთან არსებით წინააღმდეგობაშია.

პაატა მეხრიშვილი ამბობს, რომ ირაკლი მამალაძემ შორენა თეთრეუაშვილის მკვლელობის ფაქტი ვერ დაადასტურა.

„მან დაადასურა, რომ მამა გიორგიმ მასთან ახსენა, რომ ის ადამიანის მოკვლას არ გეგმავდა და ვერ განახორციელებდა და დაადასტურა კონკრეტული ფრაზა-„ღმერთმა დაიფაროს, რომ ის ვინმეს მკვლელობას გადაწყვეტს“. აქვე დაადასტურა ის გარემოება, რომ თეთრუაშვილის შესახებ არსებობს მამა გაბრიელის წინასწარმეტყველება, რომლის თანახმადაც შორენა თეთრუაშვილი გაგიჟდება, ის წრეებს  დაარტყამს საპატრიარქოს  და საპატრიარქოში არ შეუშვებენ. ეს ფრაზა პირდაპირ კავშირშია იმასთან, რომ შორენა თეთრუაშვილის მკვლელობას ის ვერ დაგეგმავდა. შესაბამისად, თქმა იმისა, რომ ბრალდების დამადასტურებელი რაიმე ინფორმაცია მიაწოდა ირაკლი მამალაძემ, წარმოუდგენელია. მან ვერაფერი დაადასტურა. შორენა თეთრუაშვილის მკვლელობის ფაქტი ვერ დაადასტურა, ანგარებით მკვლელობით ფაქტი ვერ დაადასტურა,  მოწმის ეს  ჩვენება არაფერში გამოდგება“,-აღნიშნა მეხრიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინაში კიდევ ერთი ქართველი მებრძოლი ბაჩო ბებია დაიღუპა

კალასი: საქართველო დემოკრატიის უკუსვლიდან შემობრუნების არანაირ ნიშანს არ აჩვენებს

ზელენსკის თქმით, დრუჟბას ნავთობსადენი ოპერაციების განახლებისთვის მზადაა

იოზვიაკი წერს, რა განიხილეს EU-ის მინისტრებმა დღევანდელ შეხვედრაზე საქართველოზე