ეროვნული არქივის სტაჟიორებს სერთიფიკატები გადაეცათ

2015-04-20 13:10:58, 609 ნახვა

საზოგადოება

საქართველოს იუსტიციის სამინისტროს ეროვნულ არქივში „საჯარო დაწესებულებებში სტაჟირების სახელმწიფო პროგრამის“ პირველი ეტაპი დასრულდა.

ეროვნული არქივის გენერალურმა დირექტორმა თეონა იაშვილმა 5 წარმატებულ სტაჟიორს სერტიფიკატები და სამახსოვრო საჩუქრები გადასცა.

შერჩეულმა კანდიდატებმა სტაჟირების ექვსთვიანი პროგრამა საისტორიო ცენტრალურ არქივში, საზოგადოებასა და საერთაშორისო ორგანიზაციებთან ურთიერთობის განყოფილებასა და დოკუმენტების სამეცნიერო-ტექნიკური დამუშავების განყოფილებაში გაიარეს.

პროგრამის ფარგლებში ეროვნულმა არქივმა ერთი სტაჟიორი დაასაქმა.

სტაჟირების ახალი ეტაპი 6 აპრილს დაიწყო. ათი სტაჟიორი პროგრამას საქართველოს ეროვნული არქივის სხვადასხვა სტრუქტურულ ერთეულში გადის.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან