ლექვინაძე: ივლისის მეორე ნახევრიდან ყველა ახალი ავტობუსი სხვადასხვა სამარშრუტო ხაზზე განთავსდება

2017-06-22 12:56:09, 1899 ნახვა

საზოგადოება

თბილისის მერის მოადგილის ირაკლი ლექვინაძის ინფორმაციით, ივლისის მეორე ნახევრიდან ყველა ახალი ავტობუსი სხვადასხვა სამარშრუტო ხაზზე განთავსდება.

ლექვინაძის თქმით, ავტობუსების შესაბამისი ავტობაზის ინფრასტრუქტურის მოწყობის სამუშაოები მიმდინარეობს.

„თბილისში უკვე 143 ერთეული ახალი მანის ტიპის ავტობუსებია. მათგან 40-ზე მეტი უკვე მოქმედებს სხვადასხვა სამარშრუტი ხაზზე. ამ დროისთვის, მიმდინარეობს ავტობუსებისთვის შესაბამისი ავტობაზის ინფრასტრუქტურის მოწყობის სამუშაოები და ვფიქრობ, რომ ივლისის მეორე ნახევრიდან აბსოლუტურად ყველა ავტობუსი იქნება განთავსებული სხვადასხვა სამარშრუტო ხაზზე და სრულად დაიტვირთება თბილისის ავტობუსები“, - განაცხადა ლექვინაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან