საცხოვრებელი ფართი საკუთრებაში კიდევ 400-მდე დევნილ ოჯახს გადაეცემა.

ამის შესახებ პრემიერ-მინისტრმა გიორგი კვირიკაშვილმა მთავრობის დღევანდელი სხდომის დაწყებამდე განაცხადა.

მისივე თქმით, ბოლო წლების განმავლობაში საცხოვრებელი ფართებით 15 000-მდე ოჯახი დაკმაყოფილდა.

„დღეს 400-მდე დევნილი ოჯახისთვის  გამოგვაქვს გადაწყვეტილება. ეს გახლავთ თბილისში, ბორჯომში, ფოთში, ზუგდიდში, ახალციხეში. გადავცემთ საკუთრებაში  საცხოვრებელ ფართებს. ბოლო წლების განმავლობაში  დაახლოებით 15 000 ოჯახია, ვინც დაკმაყოფილდა  მთავრობის მხრიდან საცხოვრებელი ფართებით, საკუთრებაში გადაეცათ . ეს პროცესი გრძელდება. ვფიქრობთ,  ჩვენთვის ძალიან მნიშვნელოვანია, რომ მათ ექნებათ მუდმივი ჭერი და იქნება მათი საკუთრება, მაგრამ ასევე  მინდა ვთქვა, რომ არც ერთ ჩვენგანს არ ეპარება ეჭვი, რომ  ეს არ იქნება მათი მუდმივი საცხოვრებელი ადგილი, ყველას გვაქვს იმედი და არა მხოლოდ იმედი,  ვმუშაობთ ძალიან ბევრს იმისათვის, რომ ეს პრობლემა გადაწყდეს.  დარწმუნებული ვარ, ჩვენ შევძლებთ აფხაზების დაბრუნებას, ოსების დაბრუნებას და შევძლებთ იმასაც, რომ საქართველო გაერთიანდება აუცილებლად“,-აღნიშნა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წილოსანი Euronews-ზე - კობახიძეს, აშკარად მოუმზადებელი და მიკერძოებული ჟურნალისტი უპირისპირდებოდა

მახაშვილი - ევროკომისიის ანგარიში ძალიან გაბრაზებული ადამიანის მიერ დაწერილ დოკუმენტს ჰგავს

ევროკომისიის ანგარიში - გაათავისუფლოს ყველა უკანონოდ დაკავებული პირი, მათ შორის პოლიტიკოსები, ჟურნალისტები და აქტივისტები

პაპუაშვილი – გუშინდელი ინტერვიუ იყო საუკეთესო ვიზუალიზაცია, რომ ევროკავშირი, ამ შემთხვევაში წამყვანის სახით, საუბრობს ბრალდებებით