პარლამენტის ყოფილი თავმჯდომარე დავით უსუფაშვილი ამ ეტაპზე არ აკონკრეტებს, ვინ იქნება მისი პოლიტიკური გუნდის მერობის კანდიდატი. 

როგორც მან ჟურნალისტებს განუცხადა, „შენების მოძრაობაში“ ძალიან გამოცდილი ადამიანები არიან გაერთიანებული და მომავალშიც დაემატება სხვა წევრები, თუმცა, ვინ რა როლში იქნება, ეს მოგვიანებით გაირკვევა:

„ჩვენ გუნდში გვყავს გამოცდილი არა მხოლოდ პოლიტიკოსები, არამედ საჯარო სამსახურის  საკმაოდ სერიოზული გამოცდილების  მქონე ადამიანები. თენგიზ შერგელაშვილი, რომელიც ინფრასტრუქტურის და რეგიონალური განვითარების მინისტრის  მოადგილე იყო, ალუდა გოგლიჩიძე, რომელიც განათლების მინისტრის მოადგილე იყო, მერის მოადგილე იყო, ქალბატონი ნათია ლანდია, რომელიც სასჯელაღსრულების სამინისტროში ჯანდაცვის დეპარტამენტს ხელმძღვანელობდა იმ პირველ ორ წელიწადში 2012-2014 წლებში, როდესაც ყველაზე საინტერესო რეფორმები გატარდა იქ. სხვებიც, რომლებსაც აქვთ ძალიან  მდიდარი გამოცდილება საჯარო სამსახურის და ისინი თავიანთ  გამოცდილებას მოახმარენ ამ საქმეს. ვინ რა როლში ვიქნებით, ეს არის ძალიან კონკრეტული, სპეციფიური საკითხების აწონ-დაწონვის შემდეგ“,-აღნიშნა უსუფაშვილმა.

მან არ დაადასტურა, ინფორმაცია, თითქოს პრეზიდენტის საპარლამენტო მდივან ანა დოლიძეს მერობის კანდიდატობა შესთავაზეს.

 „ანა დოლიძესთან არანაირი შეთავაზება და შემოთავაზება არ მქონია,  ანა დოლიძეს ვიცნობ, 20 წელზე მეტია, ჩვენ ვართ კოლეგები არა მხოლოდ იმიტომ, რომ ორივე იურისტები ვართ, არამედ იმიტომ, რომ ორივე ვართ ახალგაზრდა იურისტთა ასოციაციის ყოფილი თავმჯდომარე, ჩვენ გვაქვს ძალიან ახლო, მეგობრული და საქმიანი ურთიერთობები, მაგრამ ამ ეტაპზე ანა დოლიძე დაკავებულია იმ საქმით, რა საქმითაცაა დაკავებული. მე მას ვთვლიდი, დღესაც ვთვლი და ხვალაც ჩავთვლი თანამოაზრედ, იმ ადამიანად, რომელიც იმ თანამდებობაზე, სადაც მუშაობს, აკეთებს  ქვეყნის შენების საქმეს, ასე რომ, ჩვენ გვაქვს ურთიერთობა ამ ფორმატში და არანაირ სხვა ფორმატში“,-აღნიშნა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირის ქვეყნები უკრაინის კონფლიქტის მოგვარებაზე რუსეთთან მომლაპარაკებლის კანდიდატურას განიხილავენ

ტრამპის ადმინისტრაცია, კანადას აშშ-ის არჩევნებში ჩარევაში ადანაშაულებს

უკრაინულმა დრონებმა მოსკოვის ოლქში სამხედრო ქარხანა დაბომბეს

ევროკავშირმა საფრანგეთში მომხდარ პოგრომებთან რუსეთის კავშირის ძიება დაიწყო