ანატოლი ბიბილოვი ოკუპირებული ახალგორის სკოლებში ქართულ ენაზე სწავლების აკრძალვას ითხოვს

2017-06-12 11:58:57, 2626 ნახვა

რეგიონი

ე.წ. სამხრეთ ოსეთში დე-ფაქტო პრეზიდენტი ანატოლი ბიბილოვი ინიციატივით გამოდის, რომ ოკუპირებული ახალგორის რეგიონის ქართულ სკოლებში ქართულ ენაზე სწავლება შესაძლოა, აიკრძალოს, - ამის შესახებ ადგილობრივი მედია იუწყება.

როგორც ბიბილოვმა ახალგორის ე.წ. ადმინისტრაციის წარმომადგენლებთან შეხვედრაზე განმარტა, სკოლები ე.წ. რესპუბლიკის საერთო განათლების სისტემაში უნდა მოექცეს, რაც სწავლების რუსულ მოდელზე და რუსულ ენაზე გადასვლას გულისხმობს.

„ჩვენ არ ვართ წინააღმდეგნი იმისა, რომ სკოლებში ქართული ენა ისწავლებოდეს, მაგრამ ჩვენი შვილები საშუალო სკოლების დამთავრების შემდეგ სწავლას სამხრეთ ოსეთის ან რუსეთის ფედერაციის უმაღლეს სასწავლებლებში აგრძელებენ სწავლას და სამუშაოდ ისევ აქ ბრუნდებიან. ამიტომ ვალდებულები ვართ, შესაბამისი პირობები შექმნის მიზნით, ენობრივი ბარიერი მოვუხსნათ. ეს არ უნდა იყოს მტკივნეული პროცესი და ამას არ უნდა მოყვეს აჟიოტაჟი, თითქოს რაღაც იკრძალება. ჩვენ არაფერს ვკრძალავთ", - აღნიშნა ბიბილოვმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან