ძლიერმა წვიმამ და სეტყვამ თბილისში პრობლემები შექმნა

2017-06-10 16:04:29, 2062 ნახვა

საზოგადოება

ძლიერმა წვიმამ და სეტყვამ თბილისში პრობლემები შექმნა.

როგორც "ექსპრესნიუსს" საგანგებო სიტუაციების მართვის სააგენტოს პრესსამსახურში განუცხადეს, 122-ში ზარები ძირითადად წერეთლის გამზირიდან და გლდანიდან შევიდა.

სააგენტოს ცნობით, გამოძახებები სადარბაზოებისა და სარდაფების დატბორვას ეხებოდა.

„მნიშვნელოვანი ზიანი არ დაფიქსირებულა. სააგენტომ ყველა გამოძახებაზე დროული რეაგირება მოახდინა. ამჟამად ყველა ლოკაციაზე მიმდინარეობს შესაბამისი სამუშაოები“, - განაცხადეს საგანგებო სიტუაციების მართვის სამსახურში.

ცნობისთვის, თბილისის რამდენიმე უბანში დღეს ძლიერი წვიმა იყო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან