სურსათის ეროვნული სააგენტოს ინფორმაციით, მიმდინარე წლის იანვრიდან მაისის ჩათვლით, სააგენტოს ინსპექტორებმა 3687 ინსპექტირება განახორციელეს, მათ შორის 810 - საზოგადოებრივი კვების ობიექტებში, რომელთაგანაც საწარმოო პროცესი ან საქმიანობა 46-ს შეუჩერდა. 

როგორც უწყების განცხადებაშია ნათქვამი, სააგენტო საზოგადოებრივი კვების ობიექტებში სახელმწიფო კონტროლს განაგრძობს.

"მოწმდება რესტორნებისა და კაფე-ბარების, ასევე მათი სამზარეულოების სანიტარიულ-ჰიგიენური მდგომარეობა, პროდუქტის შენახვისა და რეალიზაციის პირობები, სურსათის ეტიკეტირება და ტემპერატურული რეჟიმი. 

სააგენტო თანამშრომლობს ტურიზმის ეროვნულ ადმინისტრაციასთან, რათა ტურისტულად დატვირთულ ადგილებში მაქსიმალურად იყოს დაცული ადგილობრივი მომხმარებლისა და ჩამოსული სტუმრების ინტერესი", - ნათქვამია განცხადებაში. 

სურსათის ეროვნული სააგენტოს ცნობით, სურსათის უვნებლობის სახელმწიფო კონტროლი მთელი ქვეყნის მასშტაბით მიმდინარეობს და მიზნად ადამიანის სიცოცხლის, ჯანმრთელობისა და მომხმარებელთა ინტერესების დაცვას ისახავს. 

სურსათის ეროვნული სააგენტო მომხმარებელს მოუწოდებს, სურსათთან დაკავშირებული დარღვევის შემთხვევაში დარეკოს ცხელი ხაზის ნომერზე - 15-01.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფინანსური განათლების სასერტიფიკატო კურსს 100-მდე ახალგაზრდა დაესწრო - პროექტის მხარდამჭერია საქართველოს ბანკი

ევროკავშირმა და სომხეთმა დაკავშირებადობის სფეროში პარტნიორობის შესახებ შეთანხმება გააფორმეს

რასა იუკნევიჩიენე: სამხრეთ კავკასიაში ევროკავშირის პერსპექტივა ცოცხალია, თუმცა მესმის ქართველების იმედგაცრუება, რომ თბილისი ამის მიღმა დარჩა

კობახიძეს ჯერა, რომ ევროპარლამენტარები თავს ესხმიან საქართველოში მედიის თავისუფლებას