აშშ-ში დაკავებულ ქართველებს შორის, შესაძლოა, ცნობილი სპორტსმენებიც იყვნენ

2017-06-08 14:02:18, 2986 ნახვა

მსოფლიო

ნიუ-იორკში დაკავებულ ქართველებს შორის, რომლებიც აშშ-ის იუსტიციის სამინისტროს ცნობით, რუსულ-ქართული კრიმინალური დაჯგუფების წევრები არიან, შესაძლოა ცნობილი სპორტსმენებიც იყვნენ.

ამერიკის შეერთებული შტატების იუსტიციის სამინისტრომ დაკავებულთა სია გამოაქვეყნა. სიის თანახმად, დაკავებულებს შორის არიან ავთანდილ ხურციძე და ლევან მაყაშვილი, თუმცა ამ დროისთვის დადასტურებული არ არის, საუბარია თუ არა ქართველ სპორტსმენებზე.

ლევან მაყაშვილი შერეული ორთაბრძოლების ჩემპიონატის UFC-ს მებრძოლია, ხოლო ავთანდილ ხურციძე მსოფლიო ბოქსის ორგანიზაციის WBO-ს ვერსიით დროებითი მსოფლიო ჩემპიონია.

მომხდართან დაკავშირებთ "ექსპრესნიუსი" საგარეო საქმეთა სამინისტროს დაუკავშირდა, თუმცა უწყებაში ამ ეტაპისთვის ინფორმაციას არ ფლობენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან