დავით უსუფაშვილი: სხდომა არ გახსნილა და ვერც დავხურავ, დღეს ის აღარ გაიმართება

2015-04-17 14:14:31, 433 ნახვა

პოლიტიკა

პარლამენტში ქვორუმის 3-ჯერ არ არსებობის გამო, სხდომა ჩაიშალა. პარლამენტის თავმჯდომარეს შეეძლო სხოდმა საღამოს დაენიშნა, თუმცა მან განაცხადა, რომ სხდომა დღეს საერთოდ აღარ გაიმართება.
"პარლამენტის სხდომა დღეს არ შედგება.ყველამ თავის პოზიციაზე, პოლიტიკურზე, თუ სხვაზე, თავად აგოს პასუხი ამომრჩეველთან. დღეს ჩვენ შევიკრიბეთ ძალიან მნიშვნელოვანი საკითხების განსახილველად, მათ შორის კანონპროექტების, რომელიც შემოტანილია სრულიად სხვადასხვა პოლიტიკური სპექტრის მხრიდან. შევიკრიბეთ ძალიან მნიშვნელოვან თემებზე სასაუბროდ, რომლებზეც კოლეგები გვეუბნებოდნენ, რომ მნიშვნელოვანია ამ საკითხების განხილვა, მაგრამ რატომღაც ასე გადაწყვიტეს. ეს მათი უფლებაა. პატივი ვცეთ ერთმანეთის უფლებებს, კოლეგებო. დღევანდელი სხდომა არ გახსნილა და ვერც დავხურავ. დღეს სხდომა არ გაიმართება",-განაცხადა დავით უსუფაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან