„ბოლო პერიოდში მედიკამენტებზე ფასები სტაბილურია და მატება არ შეინიშნება“, - ამის შესახებ ჯანდაცვის მინისტრის მოადგილე ვალერი კვარაცხელიამ, ლარის გაუფასურების გამო, მედიკამენტების გაძვირებასთან დაკავშირებით განაცხადა.

მისივე ინფორმაციით, ბოლო თვეში მედიკამენტებზე ფასების კლება ფიქსირდება.

„თვეში ორჯერ, ჩვენ ფასების მონიტორინგს ვაწარმოებთ. იმ პერიოდში, როდესაც ლართან დაკავშირებით სერიოზული პრობლემები არსებობდა, შევძელით, ძირითად მედიკამენტებზე ფასები მეტნაკლებად შეგვენარჩუნებინა. არავისთვის დაგვიძალებია, რომ ფასები არ გაეზარდათ. ამ ეტაპზე ბაზარზე ფასები სტაბილურია. იმ პერიოდში, დაახლოებით 500-600 დასახელების მედიკამენტი 10-15%-ით გაძვირდა, თუმცა შემდეგ ზრდა შეჩერდა და ამ ეტაპისთვის არანაირი მატება აღარ შეინიშნება, პირიქით, ზოგიერთმა სააფთიაქო ქსელმა, ბოლო პერიოდში, გარკვეულ მედიკამენტებზე ფასები შეამცირა“, - განაცხადა კვარაცხელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრემლმა ჩინეთისთვის გაზის ფასდაკლება 56%-მდე გაზარდა

უკრაინამ ვლადიმირში, Yandex-ის ერთ-ერთი უდიდესი მონაცემთა ცენტრის ხუთ შენობაში იერიში მიიტანა

ნატოს ქვეყნები უკრაინაში ჯარების განლაგებასთან დაკავშირებით წვრთნებს ჩაატარებენ

საფრანგეთის ხელისუფლებამ პოგრომების გამო კომენდანტის საათი დააწესა