2017-06-06 16:26:38, 722 ნახვა

---

ზუგდიდის მერია ბოტანიკური ბაღიდან ივანიშვილის რეზიდენციაში ხეების შესაძლო გადატანას არ ადასტურებს

ზუგდიდის მერიის საზოგადოებასთან ურთიერთობის სამსახურში, ბოტანიკური ბაღიდან ყოფილი პრემიერ მინისტრის ბიძინა ივანიშვილის რეზიდენციაში ხეების შესაძლო გადატანას არ ადასტურებენ  და გავრცელებულ ინფორმაციას „საფუძველს მოკლებულს“ უწოდებენ.

„აბსოლუტურად საფუძველს მოკლებული განცხადებაა, პირველად მესმის თქვენგან“,-განუცხადეს „ექსპრესნიუსს“ ზუგდიდის მერიაში.

ცნობისთვის, გაზეთ „ქრონიკა +“-ის ინფორმაციით,  უახლოეს მომავალში, ზუგდიდის ბოტანიკური ბაღიდან გურიაში, ბიძინა ივანიშვილის რეზიდენციის ეზოში, რამდენიმე ხის გადატანა იგეგმება.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი