აზერბაიჯანელი ჟურნალისტის აფგან მუხთარლის მეუღლის, ლეილა მუსტაფაევას განცხადებით, დღეს აზერბაიჯანში  სასამართლო სხდომა გაიმართება, სადაც მისი მეუღლის საკითხს  განიხილავენ.

როგორც  მუსტაფაევამ აღნიშნა,  გაურკვეველია, თუ როგორ მოხვდა  მეისი მეუღლე აზერბაიჯანში  ყველანაირი საიდენტიფიკაციო საბუთის გარეშე.

“ჩემი ქმარი გუშინ დააკავეს საქართველოში, კერძოდ თბილისში. ამის შემდეგ გადაიყვანეს აზერბაიჯანში ყველანაირი პასპორტის და  საბუთის გარეშე. არ ვიცი როგორ დაუშვეს ეს ქართველმა მესაზღვრეებმა. დღეს გაიმართება სასამართლო პროცესი და ისინი მის დაკავებას განიხილავენ. მინდა საქართველოს ხელისუფლებას ვუთხრა: სირცხვილი თქვენ, რადგან სიტყვის თავისუფლება გაწირეთ. მათ მიართვეს აზერბაიჯანელი გამომძიებელი ჟურნალისტი ყველანაირი დასაბუთების და მიზეზის გარეშე. ვფიქრობ, რომ ქვეყანა რომელიც ცდილობს დაუახლოვდეს ევროკავშირს ასე არ უნდა იქცეოდეს. აქ რამდენიმე დღე დავრჩები რადგან გარკვეული საბუთები მაქვს მოსამზადებელი“, - განაცხადა ლეილა მუსტაფაევამ.

ცნობისთვის მთავრობის კანცელარიასთან თბილისში გაუჩინარებული აზერბაიჯენელი ჟურნალისტის მხარდამჭერი აქცია გაიმართა. ადგილზე ათობით ადამიანი იყო შეკრებილი. მათ მთავრობას მიმართეს,  გამოიძიონ საქმე, თუ როგორ მოხვდა აზერბაიჯანელი ჟურნალისტი სხვა ქვეყანაში საბუთების გარეშე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია