საქართველოს თავდაცვის სამინისტრო კიბერუსაფრთხოების სფეროში ცნობიერების ამაღლების მიზნით, თანამშრომლებს სპეციალურ კურსს სთავაზობს. სსიპ კიბერუსაფრთხოების ბიუროს ტრენინგი საქართველოს შეიარაღებული ძალების გენერალური შტაბის სხვადასხვა სტრუქტურული ერთეულის იმ თანამშრომლებისთვისაა განკუთვნილი, რომლებსაც ელექტრონულ სისტემებთან აქვთ წვდომა.

კურსი თავდაცვის სამინისტროს „არმიჰოლში“ კიბერუსაფრთხოების ბიუროს დირექტორმა როდიონ ქორჩილავამ გახსნა, მის მნიშვნელობაზე ისაუბრა და მონაწილეებს წარმატება უსურვა. ბიუროს ხელმძღვანელმა ყურადღება საქართველოსთვის კიბერსივრცის დაცულობისა და სტრუქტურულ ერთეულებსა და უწყებებს შორის კოორდინაციის საჭიროებაზე გაამახვილა. მან კიბერინციდენტების გაზრდის საგანგაშო ტენდენციაზეც ისაუბრა.
 ერთთვიანი თეორიული კურსის განმავლობაში ბიუროს წარმომადგენლები მსმენელებს კიბერსაფრთხეებთან, ასევე, კიბერშეტევების თავიდან ასაცილებლად მნიშვნელოვან ღონისძიებებთან დაკავშირებით, მაქსიმალურ ინფორმაციას მიაწვდიან და პრაქტიკულ და ტექნიკურ მაგალითებსაც წარუდგენენ.

(NS)
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

წილოსანი ევროპის ქვეყნებზე - სულ ცოტა დრო გავიდა და ანალოგიურმა ძალადობრივმა აქციებმა ევროპის ქვეყნების ქუჩებშიც იფეთქა

ლაშა ფარულავა - მოვითხოვთ, შეწყდეს ხალხის სოციალური ტერორი და „ოცნებამ“ პასუხისმგებლობა აიღოს გაძვირებულ ცხოვრებაზე, საწვავი 5 ლარს გასცდა

უკრაინამ ერთ თვეში მეხუთედ დაარტყა რუსეთის უდიდეს ნავთობის ჰაბს სამარის რეგიონში

საიას შეფასებით, პაატა მანჯგალაძის წინააღმდეგ წარმოდგენილი მტკიცებულებები არ იყო საკმარისი გონივრულ ეჭვს მიღმა სტანდარტით მისი ბრალეულობის დასადასტურებლად