სესიაშვილი: ნეპოტიზმი არა მხოლოდ საქართველოსთვის, არამედ წამყვანი დემოკრატიული ქვეყნებისთვისაც დამახასიათებელია

2015-04-14 16:06:26, 382 ნახვა

პოლიტიკა

თავდაცვისა და უშიშროების კომიტეტის თავმჯდომარის ირაკლი სესიაშვილის მტკიცებით, ნეპოტიზმი არა მხოლოდ საქართველოსთვის, არამედ წამყვანი დემოკრატიული ევროპელი ქვეყნებისთვისაც დამახასიათებელია.
"მე არაერთი მაგალითი შემიძლია მოვიყვანო, რა ხდება საბერძნეთში, იტალიაში, გერმნაიაში. ჩვენმა ხელისუფლებამ რაც გააკეთა არის ის, რომ საჯარო სამსახურში მიღების წესი დაადგინა, რაც საკონკურსო ხასიათს ატარებს. რა თქმა უნდა, ამ ვითარებაში რაღაც ინდივიდუალური მიდგომები, პრობლემები იქნება, მაგრამ ჩვენ ამას უნდა ვებრძოლოთ რაღაც საერთო კულტურული მიდგომებით და არა სიტუაციის გამკაცრებით. გაჭირვებული ადამიანი, რომელიც სამსახურს ეძებს, რომელსაც უნდა რომ ოჯახი არჩინოს და ამის გამო, რომ დახმარებას სთხოვოს ვინმეს სამსახურის შოვნის მიზნით, ეს უკვ ნეპოტიზმის გამოვლინებაა და შეიძლება ამისთვის დაიჭირონ",-განაცხადა ირაკლი სესიაშვილმა.
ცნობისთვის, ადამიანის უფლებათა დაცვის კომიტეტი არასამთავრობო ორგანიზაცია "საერთაშორისო გამჭვირვალობა-საქართველოს" ინიციატივაზე იმსჯელებს, რომლის თანახმადაც, ცვლილება სისხლის სამართლის კოდექსში უნდა განხორციელდეს და ნეპოტიზმის ქმედება დასჯადი გახდეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან