Europe-bet.com - სა და კლუბ „ტორპედო ქუთაისს“ შორის ურთიერთთანამშრომლობის მემორანდუმი გაფორმდა.

მემორანდუმის საფუძველზე Europe-bet.com 1 წლის განმავლობაში კლუბ „ტორპედო ქუთაისის“ გენერალური სპონსორი გახდა. 

აღნიშნულთან დაკავშირებით დღეს დოკუმენტის ოფიციალური ხელმოწერა მოხდა და პრესკონფერენცია გაიმართა.

Europe-Bet.com -ის დაარსების დღიდან, კომპანია საქართველოს ბაზარზე წამყვან პოზიციას იკავებს ბუკმეკინგის და ონლაინ თამაშების სფეროში.  იგი ძირითად აქცენტს  სანდოობაზე და მომსახურების კომფორტზე აკეტებს. ამის შედეგია, რომ  5 წლის განმავლობაში კომპანია სტაბილურად იზრდება და წარმატებული ინიციატივებით გამოირჩევა. მუდმივმა განვითარებამ და მოწინავე პოზიციამ ბაზარზე ძლიერი ბრენდის შექმნას ჩაუყარა საფუძველი. 

Europe-Bet.com -ის  ძირითადი ფასეულობა იყო და რჩება სპორტის განვითარების მხარდაჭერა საქართველოში. კომპანია 2010 წლიდან მხარს უჭერს და ასპონსორებს სპორტის სხვადასხვა ღონისძიებებსა თუ გუნდებს, მათ შორის: ბილიარდის ფედერაცია; საქართველოს ძალოსნობის ეროვნული ფედერაცია; საქართველოს ჭიდაობის ეროვნული ფედერაცია; საფეხბურთო კლუბი საბურთალო. ამ  სიას ახლა უკვე დაემატა საფეხბურთო კლუბი  „ტორპედო ქუთაისი“. 

„ქუთაისის ტორპედო 2014-2015 წლების ეროვნული ჩემპიონატის მონაწილე გუნდია. ბოლო რამდენიმე ტურის შედეგების მიხედვით გუნდმა მე-13 ე ადგილიდან  მე-8 ადგილზე გადმოინაცვლა. მიმდინარეობს გუნდის გადახალისება, გვყავს ახალი მწვრთნელი, ახალი მენეჯმენტი, რაც გვაძლევს იმედს და საშუალებას, მიმდინარე წლის ბოლოსთვის უკეთეს შედეგს მივაღწიოთ. Europe-Bet.com -ის  მიერ შეტანილი წვლილი მისაბაძი მაგალითია ქართული ფეხბურთის თანადგომისა და განვითარების საქმეში“, - განაცხადა კლუბის დირექტორმა,  დავით ფრუიძემ. 

პრესკონფერენციას ასევე ესწრებოდნენ: Europe-Bet.com-ის გენერალური დირექტორი - მაია კოპინაძე, ბიზნესის განვითარების დეპარტამენტის ხელმძღვანელი - გიორგი გვენეტაძე; ქალაქ ქუთაისის მერის  პირველი მოადგილე და კლუბის საპატიო პრეზიდენტი - ნოდარ მიქიაშვილი; გუნდის მთავარი მწვრთნელი - გიორგი დარასელია და ქუთაისის ტორპედოს დირექტორი - დავით ფრუიძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება