დაპირისპირება პროფკავშირების აქციაზე - მოქალაქეები გზის სავალი ნაწილის გადაკეტვას ცდილობენ

2017-05-15 14:56:16, 1760 ნახვა

საზოგადოება

„როდემდე 9 მაისი“, „ვილოცოთ გარდაცვლილთათვის და ვიბრძოლოთ ცოცხლებისთვის” - ამ შეძახილებით პროფესიული კავშირის წევრები, სტუდენტები და რიგითი მოქალაქეები თბილისის სახელმწიფო უნივერსიტეტის პირველი კორპუსიდან მსვლელობით პარლამენტის შენობისაკენ მიემართებიან.

„ექსპრესნიუსის“ კორესპონდენტის ინფორმაციით, რამდენიმე წუთის წინ აქციის მონაწილეებსა და სამართალდამცავებს შორის ფიზიკური დაპირისპირება მოხდა.

აქციის მონაწილეები გზის მეორე სავალი ნაწილის გადაკეტვას ცდილობენ, რის საშუალებასაც მათ სამართალდამცავები არ აძლევენ.

აქციის მონაწილეები და ორგანიზატორები ხელისუფლებას შრომითი ინსპექციის გადახედვისაკენ და ქმედითუნარიანი შრომითი კანონების შემოღებისაკენ მოუწოდებენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან