თავისუფლების მოედანზე კონსტიტუციის ახალი პროექტის საწინააღმდეგო აქცია მიმდინარეობს

2017-05-15 12:00:51, 1897 ნახვა

პოლიტიკა

თავისუფლების მოედანზე პარტია „ნაციონალური მოძრაობის“ ახალგაზრდული ფრთის წევრები კონსტიტუციის ახალი პროექტის წინააღმდეგ საპროტესტო აქციას მართავენ.

აქციის მონაწილეების ძირითადი გზავნილი კონსტიტუციის დაცვაა.

ახალგაზრდული ფრთის წევრები ბანერებით : „დაიცავი კონსტიტუცია“, „დაიცავი უფლება აირჩიო პრეზიდენტი“, „დაიცავი შენი ხმა“,

როგორც ნაციონალური მოძრაობის საბურთალოს რაიონული ორგანიზაციის თავმჯდომარე დავით ლაგვილავამ ჟურნალისტებს განუცხადა, აქციის მონაწილეები ხელისუფლების მიერ შემოთავაზებულ ცვლილებებს აპროტესტებენ.

„ვაპროტესტებთ შემოთავაზებულ ცვლილებებს კონსტიტუციაში, რადგან ამ ცვლილებების მიხედვით, მოქალაქეებს ერთმევათ თავისუფალი არჩევანის უფლება. საკუთარ ქვეყანაში არ აქვთ უფლება აირჩიონ პრეზიდენტი. გარდა ამისა, საპარალამენტო არჩევნების დროს უნდათ, ოპოზიციის მიერ მოპოვებული მანდატებით მიითვისონ და ეს მანდატები არასამართლიანად გადანაწილდება. მოსახლეობის ეკონომიკური მდგომარეობა დღითიდღე უარესდება, ამიტომ მოსახლეობა არ მისცემს მათ ამ ცვლილებების განხორციელების უფლებას და პასუხს გასცემს ხელისუფლების უსამართლო ქმედებებს“, - განაცხადა დავით ლაგვილავამ.

აქციაზე 30-მდე ადამიანია შეკრებილი. მობილიზებულია საპატრულო პოლიცია.

ცნობისთვის, „ნაციონალური მოძრაობა“ კამპანიის „დაიცავი კონსტიტუცია“ ფარგლებში აქციას საქართველოს ექვს ქალაქში (თბილისი, ბათუმი, ზუგდიდი, ქუთაისი, გორი, თელავი) ერთდროულად მართავს.