ულტრანაციონალისტების ჯგუფი ლგბტ ადამიანების წინააღმდეგ აქციას გამართავს

2017-05-15 08:38:49, 2034 ნახვა

საზოგადოება

ულტრანაციონალისტების ჯგუფი "ქართული ძალა" "ედელვაისი" და სხვა დაჯგუფებები ლგბტ ადამიანების წინააღმდეგ 17 მაისს მსვლელობას მოაწყობენ.

სოციალურ მედიაში ჯგუფები აანონსებენ მსვლელობას, რომელიც ფილარმონიიდან თავისუფლების მოედნამდე გაიმართება.

"17 მაისს, 12:00 საათზე ფილარმონიასთან იგეგმება ლგბტ პროპაგანდის წინააღმდეგ მიმართული საპროტესტო აქცია. 13:00 საათზე ჩვენი აქცია ვარდების მოედანზე შეუერთდება ოჯახის სიწმინდის დღესთან დაკავშირებულ მსვლელობას. ყველას მოგიწოდებთ, მოხვიდეთ აქციაზე და ერთად გამოვთქვათ ჩვენი პროტესტი ლგბტ საზოგადოების ნორმალიზაციის პროპაგანდის წინააღმდეგ!" -წერია გავრცელებულ განცხადებაში.

შეგახსენებთ, ულტრანაციონალისტური გვერდები "ქართული ძალა" და "ედელვაისი" ფეისბუქის ადმინისტრაციამ რამდენიმე თვის წინ დაბლოკა.

გიორგი გოგუას ფოტო - 2013 წლის 17 მაისი

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან