თავდაცვის სამინისტრო უკრაინაში დაღუპული ქართველი მებრძოლის გამო მწუხარებას გამოთქვამს

2017-05-12 19:39:17, 893 ნახვა

სამხედრო

საქართველოს თავდაცვის სამინისტრო, უკრაინაში თადარიგის ოფიცრის დავით სიხარულიძის დაღუპვის გამო, ღრმა მწუხარებას გამოთქვამს.

„საქართველოს თავდაცვის სამინისტრო, დონეცკის რეგიონის სოფელ ნოვოლუგანსკოესთან საბრძოლო დავალებისას დაღუპული თადარიგის ოფიცრის გარდაცვალების გამო, ღრმა მწუხარებას გამოთქვამს და დაღუპულის ოჯახს უსამძიმრებს“,-ნათქვამია განცხადებაში.

უწყების ინფორმაციით, 1973 წელს დაბადებული დავით სიხარულიძე, 2010-2014 წლებში კრწანისის სასწავლო ცენტრში, განათლების სარდლობაში მსახურობდა.

2014 წელს მან შეიარაღებული ძალები საკუთარი გადაწყვეტილებით დატოვა და უკრაინაში გაემგზავრა.

ცნობისთვის, უკრაინაში, დონეცკის ოლქში ქართველი მებრძოლი შეტაკების დროს დაიღუპა.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან