საქართველოსა და ისრაელის სახელმწიფოს შორის ორმხრივი საკონსულო კონსულტაციები გაიმართა.

საგარეო უწყების ინფორმაციით, კონსულტაციებზე, სხვა საკითხებთან ერთად,  განიხილეს ისრაელის სახელმწიფოში არალეგალური მიგრაციის  საკითხზე ორმხრივი თანამშრომლობის საკითხები.  მხარეებმა გამოხატეს  მზადყოფნა  აქტიურად იმუშაონ საქართველოს მხრიდან ისრაელში არალეგალურ მიგრანტთა ნაკადის მაჩვენებლის შესამცირებლად, რაც საბოლოო ჯამში ორივე ქვეყანას საშუალებას მისცემს  დაიწყონ საუბარი შრომითი მიგრაციის თაობაზე.

საკონსულო კონსულტაციებისას მხარეებმა მიღწიეს პრინციპული შეთანხმებას, რომ ამ ეტაპზე შრომითი მიგრაციის პირობები გავრცელდეს ისრაელში   არალეგალურად მყოფ საქართველოს მოქალაქეებზე, თუკი ისინი ნებაყოფლობით დატოვებენ ისრაელის სახელმწიფოს. მხარეები ასევე შეთანხმდნენ უახლოეს მომავალში შეიმუშაონ  იმ ღონისძიებების ჩამონათვალი, რომლის დაცვაც აუცილებელი იქნება ისრაელის სახელმწიფოში არალეგალურად მყოფი საქართველოს  მოქალაქეების მხრიდან ისრაელის სახელმწიფოს დატოვების შემთხვევაში. 

ისრაელის დელეგაციას ისრაელის სახელმწიფოს საემიგრაციო სამსახურის გენერალური დირექტორი ამნონ შმუელი ხელმძღვანელობდა.

საქართველოს მხრიდან კონსულტაციებს უძღვებოდა  საქართველოს საგარეო საქმეთა მინისტრის მოადგილე -  ზვიად გონაძე, მონაწილეობდნენ - საგარეო საქმეთა სამინისტროს საკონსულო დეპარტამენტის დირექტორი - გიორგი ტაბატაძე და ისრაელის სახელმწიფოში საქართველოს საგანგებო და სრულუფლებიანი ელჩი -  პაატა კალანდაძე. 

კონსულტაციებში ასევე მონაწილეობა მიიღეს საქართველოს  შინაგან საქმეთა სამინისტროს და იუსტიციის სამინისტროს წარმომადგენლებმა.  ისრაელის მხრიდან შეხვედრას ასევე ესწრებოდნენ ისრაელის სახელმწიფოს საემიგრაციო სამსახურის გენერალური დირექტორი-ამნონ შმუელი,  საგარეო საქმეთა სამინისტროს საკონსულო დეპარტამენტის დირექტორი - სტელა რაპი, საქართველოში ისრაელის სახელმწიფოს საგანგებო და სრულუფლებიანი ელჩი- შაბთაი ცური და ისრაელის საზღვრის დაცვის თანამშრომლები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო