მასშტაბური აქცია საჩხერის სამედიცინო ცენტრში - უფასო კვლევები 7 მიმართულებით

2017-05-08 15:40:31, 1652 ნახვა

საზოგადოება

საჩხერის სამედიცინო ცენტრში 13 მაისს, 11:00-დან 18:00 საათამდე, იმერეთის რეგიონის მოსახლეობას, ადგილობრივ ექიმებთან ერთად, უფასო კონსულტაციებს გაუწევენ თბილისიდან მოწვეული ექიმები - ნეიროქირურგი, უროლოგი, ენდოკრინოლოგი, ანგიოლოგი, გინეკოლოგი, მამოლოგი, კარდიოლოგი.

აქციის ფარგლებში პაციენტებს უფასოდ ჩაუტარდებათ ულტრათანამედროვე დიაგნოსტიკური და კლინიკო-ლაბორატორიული კვლევები, მათ შორის: დისკოგენური რადიკულოპათიების კომპიუტერული ტომოგრაფია; მუცლის ღრუს ორგანოების, ფარისებრი ჯირკვლის, უროლოგიური და გინეკოლოგიური პათოლოგიების ულტრაბგერითი კვლევები;
სისხლძარღვების დოპლეროსკანირება; ღვიძლის ფუნქციურის სინჯები; ფარისებრი ჯირკვლის ბიოფსია-ციტოლოგია და ჰორმონალური გამოკვლევა.

დიაგნოსტიკის პროცესში შეირჩევა სამიზნე კონტინგენტი, რომელსაც ქირურგიული ჩარევა სჭირდება და საჭიროების შემთხვევაში, კლინიკის ბაზაზევე დაიგეგმება ოპერაციული მკურნალობა, მათ შორის ლაპარასკოპიული მეთოდით.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან