საქართველოს კონსტიტუციური კანონის პროექტის „საქართველოს კონსტიტუციაში ცვლილების შეტანის შესახებ“ საყოველთაო-სახალხო განხილვის წევრები ამჯერად ჩოხატაურის მოსახლეობას ხვდებიან.
„ევროპული საქართველოს“ წევრმა ზურაბ ჭიაბერაშვილმა  პრეზიდენტის თავზე ისაუბრა. მისი თქმით,  გაუგებარია, რატომ არ შეიძლება პრეზიდენტს დღეს განსაზღვრული უფლებამოსილებები დარჩეს:

„როცა ვლაპარაკობთ პრეზიდენტზე, თუ ჩვენი ამოცანაა, რომ მთავრობის ხელში ან პარლამენტში ერთი პარტიის ხელში არ მოხვდეს ძალაუფლების ზედმეტი კონცენტრაცია, რა უშლის ხელს, რომ პრეზიდენტთან დარჩეს ის უფლებამოსილებები, რომელიც დღესაა განსაზღვრული, მითუმეტეს, რომ თავად პარლამენტის თავმჯდომარემ თქვა, დღეს პრეზიდენტს ისედაც არაფერი ეკითხება. მთავარი პრობლემა, რასაც პრეზიდენტი დღეს ქმნის, ესაა ვეტოს უფლება. მადლობა ღმერთს, ქამდე არ წავიდა „ქართული ოცნება“, რომ ვეტოს უფლება წაერთვა, მაგრამ მთავარი ვეტოს უფლებაა, ზეპარტიული სინამდვილეში ნიშნავს უმოქმედო პრეზიდენტს, რომელიც არ დაადებს ვეტოს კანონებს. ესაა მთავარი. ზეპარტიულის უკან ეს იმალება და თუ ეს გვინდა, კიბატონო“,-განაცხადა ზურაბ ჭიაბერაშვილმა.

ცნობისთვის, პარლამენტის თავმჯდომარის განმარტებით,  პრეზიდენტის სტატუსი არ იზღუდება. ვენეციის კომისიის დასკვნის შესაბამისად, მინიმალური ცვლილება შეეხება კომპეტენციებს - ესაა ეროვნული უშიშროების საბჭო (იგი უქმდება) და უზენაესი სასამართლოს წევრის წარდგენა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთის პროკურატურამ საკონსტიტუციო ტრიბუნალის მოსამართლეებზე თავდასხმის ფაქტზე გამოძიება დაიწყო

ზელენსკის ყოფილ პრესმდივანს ღალატში ბრალი წაუყენეს

Bloomberg: აშშ-ში არჩევნების შემდეგ, კრემლი გააძლიერებს უკრაინაზე თავდასხმებს, დაგეგმილი მოლაპარაკებების მიუხედავად

კობახიძე აგენტების კანონზე - - როდესაც ვენეციის კომისია ან ევროკომისია აცხადებს, რომ ეს კანონმდებლობა ევროპულ სტანდარტებთან შეუთავსებელია - ეს სრული სიცრუეა