საქართველოს საგარეო უწყება პრემიერ-მინისტრის გიორგი კვირიკაშვილის ამერიკის შეერთებულ შტატებში ვიზიტზე მუშაობს.

ამის შესახებ საგარეო საქმეთა მინისტრმა მიხეილ ჯანელიძემ „მოამბის“ ეთერში განაცხადა.

როგორც ჯანელიძემ აღნიშნა, პრემიერ-მინისტრის აშშ-ში ვიზიტის ზუსტი თარიღი ჯერ-ჯერობით ცნობილი არ არის.

„ვმუშაობთ პრემიერ-მინისტრის ვიზიტზე შეერთებულ შტატებში. კონკრეტულ თარიღებზე დღეს ვერ ვისაუბრებ, მაგრამ ვმუშაობთ, რომ ეს უახლოეს პერიოდში გაიმართოს. გვაქვს მიწვევა აშშ-ის ვიცე-პრეზიდენტისგან. ვიცე-პრეზიდენტმა პრემიერ-მინისტრი აშშ-ში მიუნხენში ვიზიტის დროს მიიწვია. ახლა ვმუშაობთ კონკრეტულ თარიღზე, რათა ეს შეხვედრა შედგეს და განხორციელდეს“, - განაცხადა მიხეილ ჯანელიძემ.

ჟურნალისტის კითხვაზე იგეგმება თუ არა პრემიერ-მინისტრის შეხვედრა აშშ-ის პრეზიდენტ დონალდ ტრამპთან, მიხეილ ჯანელიძემ აღნიშნა, რომ მუშაობა მიმდინარეობს ყველა შესაძლო ფორმატზე და შეხვედრაზე, რომელიც ორ ქვეყანას შორის უნდა შედგეს.

„ჩვენ მივიჩნევთ, რომ გვაქვს უპრეცედენტო აქტიური თანამშრომლობა აშშ-სთან. თებერვლის შემდეგ ძალიან აქტიური იყო ჩვენი კომუნიკაცია. თებერვალში შედგა ჩემი შეხვედრა სახელმწიფო მდივანთან, მარტში შედგა შეხვედრა თავდაცვის მდივანთან. ახლა კი მიმდინარეობს აქტიური მუშაობა პრემიერ-მინისტრის ვიზიტზე“, - აღნიშნა ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკის ყოფილ პრესმდივანს ღალატში ბრალი წაუყენეს

Bloomberg: აშშ-ში არჩევნების შემდეგ, კრემლი გააძლიერებს უკრაინაზე თავდასხმებს, დაგეგმილი მოლაპარაკებების მიუხედავად

კობახიძე აგენტების კანონზე - - როდესაც ვენეციის კომისია ან ევროკომისია აცხადებს, რომ ეს კანონმდებლობა ევროპულ სტანდარტებთან შეუთავსებელია - ეს სრული სიცრუეა

კობახიძე - 2022 წლის მარტში საქართველომ, ევროკავშირის წევრობის კანდიდატის სტატუსის მისაღებად განაცხადი წარადგინა, თუმცა საქართველოს განაცხადი არ დაკმაყოფილდა, ეს იყო დიდი შეცდომა