ვაჟა-ფშაველას გამზირზე ოვალური თარგის სამუშაოები დასრულდა

2017-05-03 13:58:43, 1573 ნახვა

საზოგადოება

დედაქალაქის იერსახისა და ეკოლოგიური გარემოს გაუმჯობესების მიზნით, ეკოლოგიისა და გამწვანების საქალაქო სამსახურმა ვაჟა-ფშაველას გამზირზე, ოვალური თარგის გამწვანების სამუშაოები დაასრულა.

დასრულებული სამუშაოები თბილისის მერმა დავით ნარმანიამ, მოადგილე გიგა ნიკოლეიშვილთან და ეკოლოგიისა და გამწვანების საქალაქო სამსახურის უფროს გოგა წერეთელთან ერთად დაათვალიერა.

„ჩვენ მეორე ეტაპის სამუშაოებსაც გავაგრძელებთ. ვაჟა-ფშაველას ძეგლიდან მშენებარე მეტროსადგურამდე, ეს ტერიტორია მთლიანად კეთილმოეწყობა, უკეთ გამწვანდება და ქალაქში კიდევ ერთი ძალიან საინტერესო სივრცე შეგვემატება“,- განაცხადა თბილისის მერმა დავით ნარმანიამ.

მერიის ცნობით, სამუშაოების ფარგლებში ტერიტორიაზე გამოიცვალა მიწის ზედაპირი, აღდგენილია სარწყავი სისტემა, ასევე, დაიდგა დეკორატიული სანათები, დაირგო იშვიათი ჯიშის ხე-მცენარეები - 15 ძირი მრავალწლოვანი ზეთისხილი, ლეილანდები, არიზონას კვიპაროსები, ჯუჯა ფოტინიები, ვარდები, სეზონური ყვავილები, დაიგო რულონური ბალახი.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან