ევროსაბჭოს საპარლამენტო ასამბლეაში საქართველოს საკითხზე მომსხენებელი ბორის სილევიჩი, საქართველოს საპარლამენტო საკონსტიტუციო რეფორმების დაწყებას მიესალმება, - ამის შესახებ ბორის სილევიჩმა სტრასბურგში ქართველ ჟურნალისტებს განუცხადა. 

თუმცა, სილევიჩის შეფასებით, საკონსტიტუციო რეფორმაში არის საკითხები, რამაც შესაძლოა, შეშფოთება გამოიწვიოს.

„ჩვენ საკონსტიტუციო რეფორმაზე უკვე ვიმსჯელეთ საქართველოს მთავრობასთან, პარლამენტარებთან, ეს საიდუმლო არ არის. ყველაზე პრობლემურ საკითხს მაინც საარჩევნო რეფორმა წარმოადგენს. კომისიამ საქართველოს ე.წ. იტალიური საარჩევნო მოდელი შესთავაზა. ეს შესაძლებელია, რადგან არაერთ ევროპულ ქვეყანაშია აპრობირებული, თუმცა არსებობს ეჭვი, რამდენად გაამართლებს საქართველოში. მაგალითად იტალიის პარლამენტში ბევრი პარტიაა, არჩევნების შემდეგ კი ისინი მთავრობის ფორმირებისას სირთულეებს აწყდებიან. გამარჯვებულ პარტიას შეუძლია, კიდევ დამატებითი ხმები მოიპოვოს, თუმცა საქართველოში ერთი ძლიერი პარტიაა და არა კოალიცია, ამიტომაც საეჭვოა, რამდენად გამოვა ეს მოდელი. ყველაფერი საქართველოს პარლამენტის ნებაზეა დამოკიდებული. ვენეციის კომისია ამ საკითხსაც შეეხება და საინტერესოა, რას იტყვიან ამასთან დაკავშირებით“, - განაცხადა ბორის სილევიჩმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ქართულმა ოცნებამ მიიღო 1 100 000-ზე მეტი ხმა, რითაც ქართველმა ხალხმა დაადასტურა, რომ თავიდან ბოლომდე მხარს უჭერს ჩვენს კურსს

კობახიძე - ვიღაცას თუ სურს, რაიმე შეცვალოს საქართველოს ქცევაში, უნდა გველაპარაკოს ჩვენ

მტკვრის მარცხენა სანაპიროზე, 3 თვით ერთ სამოძრაო ზოლში გადაადგილება შეიზღუდება

კალაძე: „რეპორტიორები საზღვრებს გარეთ“ იმ ოლიგარქიული, არაფორმალური ძალების ინსტრუმენტია, რომელიც თანამედროვე მსოფლიოსთვის პრობლემას წარმოადგენს