საყდრისში სამუშაოების წარმოებასთან დაკავშირებით, კომპანია „RMG gold”-ისთვის ლიცენზიის 5 წლით გაგრძელების საკითხზე, პრეზიდენტი საკუთარი პოზიციის დაფიქსირებისგან თავს იკავებს.

გიორგი მარგველაშვილმა თემის კომენტირებისას მხოლოდ ის აღნიშნა, რომ მიზანშეწონილი იქნებოდა, სასამართლო განხილვის დასრულებამდე საყდრისის ოქროს მაღაროს ტერიტორიაზე საქმიანობა შეჩერებულიყო.

„ლიცენზიასთან დაკავშირებით, ამ ეტაპზე პოზიციას ვერ მოგახსენებთ, თუმცა, მე განვაცხადე, რომ სანამ მიმდინარეობს სასამართლო, მიზანშეუწონელი იქნებოდა სამუშაოები შეჩერებულიყო. ისევ იგივე პოზიციაზე ვრჩები და მიმაჩნია, რომ უნდა მივცეთ შესაძლებლობა სახელმწიფო ინსტიტუტებს და ისეთ მნიშვნელოვან ინსტიტუტს, როგორიც არის სასამართლო, თავისი უფლებამოსილება ეფექტურად განახორციელოს, რაც თავის მხრივ, ნიშნავს იმას, რომ საქართველოში დაცული იქნება როგორც ბიზნესის ინტერესები, ასევე ჩვენი კულტურული მემკვიდრეობის ძეგლები. ამ ორი ღირებულების შეთავსება მხოლოდ მაშინ შეიძლება, როცა ყველა სახელმწიფო ინსტიტუტი, თავისი უფლებამოსილების ფარგლებში ფუნქციონირებს. მიზანშეწონილად მიმაჩნია, დაველოდოთ სასამართლოს გადაწყვეტილებას და მანამდე საქმიანობა შევაჩეროთ“, - განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე