შინაგან საქმეთა სამინისტროს შიდა ქართლის პოლიციის დეპარტამენტის გორის რაიონულ სამმართველოში ანალიზზე დაფუძნებული საპოლიციო საქმიანობის საპილოტე პროგრამის ანგარიშის პრეზენტაცია გაიმართა.

ღონისძიებას შინაგან საქმეთა მინისტრის მოადგილეები - ბესიკ ამირანაშვილი და შალვა ხუციშვილი, ევროკავშირის ექსპერტი გამოძიების მიმართულებით უვე შვაიფერი და შსს-ს შიდა ქართლის რეგიონული დანაყოფების წარმომადგენლები დაესწრნენ.

შსს-ს ინფორმაციით, პრეზენტაციაზე გორის რაიონული სამმართველოს თანამშრომლებმა ანალიზზე დაფუძნებული საპოლიციო საქმიანობის საპილოტე პროგრამის დაწყებიდან დღემდე განხორციელებული საქმიანობის ანგარიში წარადგინეს. ღონისძიების მონაწილეები პროგრამის ფარგლებში დანერგილ ტექნოლოგიური სიახლეებს, მათ შორის, ინციდენტთა აღრიცხვის საინფორმაციო სისტემას, ასევე, გორის რაიონული სამმართველოს ანალიტიკოსების მიერ შექმნილ რამდენიმე ახალ პროექტს გაეცნენ.

შინაგან საქმეთა სამინისტრომ ანალიზზე დაფუძნებული საპოლიციო საქმიანობის საპილოტე პროგრამის განხორციელება გორში, რუსთავსა და თბილისში 2016 წელს დაიწყო.

ანალიზზე დაფუძნებული საპოლიციო საქმიანობა მსოფლიოს წამყვან სამართალდამცავ სტრუქტურებში აპრობირებული მოდელია. იგი ხელს უწყობს დანაშაულის შემცირებას, მის პრევენციას და ზრდის გამოძიების ეფექტიანობას. პროექტის თანახმად, პოლიციის მთლიანი საქმისწარმოება ელექტრონულ ფორმატში გადავა და ანალიტიკოსებს, შესაბამისი ანალიტიკური პროგრამების გამოყენებით, რისკების წინასწარ განსაზღვრა შეეძლებათ.

გორის რაიონულ სამმართველოში მიმდინარე საპილოტე პროექტი, მიღწეული შედეგების მიხედვით, წარმატებული აღმოჩნდა, მათ შორის, დანაშაულის პრევენციის კუთხით.

შს სამინისტრო გეგმავს, რომ აღნიშნული მოდელი, მთელი საქართველოს მასშტაბით, 2018 წლიდან ამოქმედდეს, რაც სტატისტიკაზე დაფუძნებულ მიდგომას ანალიზზე დაფუძნებული საპოლიციო საქმიანობით ჩაანაცვლებს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო