ვოლსკი: ვფიქრობ, პრეზიდენტი ბევრად უფრო სერიოზულად უნდა მომზადებულიყო

2017-04-07 22:33:58, 1962 ნახვა

პოლიტიკა

ვფიქრობ, პრეზიდენტი ბევრად უფრო სერიოზულად უნდა მომზადებულიყო თავისი გამოსვლისთვის, - ამის შესახებ პარლამენტის ვიცე-სპიკერმა გია ვოლსკიმ ჟურნალისტებთან საუბრისას განაცხადა.

როგორც მან განაცხადა, პრეზიდენტს კონკრეტულ სტრატეგიულ გეგმებზე უნდა ესაუბრა.

"უმრავლეოსობის წევრებმა, გარდა იმისა, რომ პრეზიდნეტის გამოსვლა შეაფასეს, როგორც არაობიექტური, მათ საკმაოდ დამაჯერებელი ციფრები და ტენდენციები წარმოადგინეს, რომელიც ჩვენ ხვალინდელი დღის იმედს გვაძლევს. ვფიქრობ, პრეზიდენტი ბევრად უფრო სერიოზულად უნდა მომზადებულიყო თავისი გამოსვლისთვის. სამინისტროების ვებ-საიტებზე მაინც შესულიყო ინფორმაციისთვის. მას კონკრეტულ სტრატეგიულ გეგმებზე უნდა ესაუბრა. მაგრამ როდესაც ქვეყანაში სოციალური, ეკონომიკური ფონი საკმაოდ რთულია, ადვილია კრიტიკული პოზიციით გამოსვლა. პრეზიდენტისგან ჩვენ მოველოდით გაცილებით უფრო ღრმა ანალიზს“, - განაცხადა გია ვოლსკიმ.