იუსტიციის სამინისტროს საჯარო რეესტრის ეროვნულმა სააგენტომ დრონის უპილოტო საფრენი აპარატით მანგლისის ტერიტორიის საჰაერო გადაღება დაასრულა.

სამუშაოები დაბა მანგლისის 10 სმ-იანი რეზოლუციით აეროგადაღებასა და ორთოფოტოების შექმნა-დამუშავებას ითვალისწინებდა.  პროექტის ფარგლებში  2704 ჰექტარი ფართობის ტერიტორიის გადაღება განხორციელდა.

საჯარო რეესტრი, აეროფოტოგადაღების მასალებზე დაყრდნობით, მაღალი ხარისხის ორთოფოტო გეგმებს მოამზადებს, რომლებშიც  თანამედროვე სტანდარტები სრულად იქნება გათვალისწინებული.

მიწის სისტემური რეგისტრაციის საპილოტე პროექტი 12 მუნიციპალიტეტში განხორციელდება. პროექტი წინასწარ შერჩეულ გეოგრაფიულ არეალებში, სისტემური წესით, მიწის საკუთრებაში უფასო რეგისტრაციას ითვალისწინებს.  მანგლისი პირველია, სადაც სისტემური რეგისტრაციის სახელმწიფო პროექტის პირველი ფაზა დაიწყება.

აეროგადაღებით  მიღებული ახალი გეომონაცემები  საჯარო რეესტრს შესაძლებლობას მისცემს სისტემური რეგისტრაციის პროექტის ფარგლებში განხორციელებული სამუშაოები, მათ შორის საკადასტრო ნახაზები და სხვა საველე მონაცემები  ორთოფოტოზე გადაამოწმოს, რაც მიწის სისტემური რეგისტრაციის სახელმწიფო პროექტის წარმატებით განხორციელებისთვის  მნიშვნელოვან როლს შეასრულებს.

აღსანიშნავია, რომ აეროგადაღებებისთვის ინოვაციური უპილოტო საფრენი აპარატის „დრონის" გამოყენება  გეოინფორმაციული, კარტოგრაფიული და ტოპოგრაფიული მონაცემები შექმნისთვის  ერთ-ერთ საიმედო და ყველაზე ეკონომიურ მეთოდად მიიჩნევა.

საჯარო რეესტრი  დრონის საშუალებით,  ეტაპობრივად,  საქართველოს  სხვა  არეალების საჰაერო გადაღებებსაც გეგმავს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა