პრემიერ-მინისტრმა გიორგი კვირიკაშვილმა საქართველოს მოსახლეობას ბზობის დღესასწაული წინასწარ მიულოცა.

ამასთან, მან მოქალაქეებს  თხოვნით მიმართა,  მაქსიმალურად შეიკავონ თავი ბზის გაჩეხვისგან.

 „მაქსიმალურად გავუფრთხილდეთ წითელ ნუსხაში შეტანილ ამ უძვირფასეს მცენარეს, კოლხურ ბზას. მოსახლეობას მინდა წინასწარ მივულოცო დღესასწაული, ამავე დროს, ვთხოვო, რომ მაქსიმალურად თავი შეიკავონ ბზის გაჩეხვისგან. უკვე მოჭრილი ბზის ტოტები გამოვიყენოთ იმისთვის, რომ პირიქით გავამრავლოთ ეს ულამაზესი და ჩვენთვის ძალიან ძვირფასი მცენარე, რადგან ვფიქრობთ, ამას ძალიან დიდი მნიშვნელობა აქვს. გასული წლების ისტორიიდან თუ ვიმსჯელებთ, უმოწყალოდ ხდება მცენარის განადგურება, რაც არის ჩვენი სიმდიდრე და ეს ჩვენ არ უნდა დავუშვათ. ამიტომ, ძალიან კარგია, რომ ამ მიმართულებით მიმდინარეობს საინფორმაციო კამპანია და დიდი იმედი მაქვს, ჩვენი მოქალაქეები გაითვალისწინებენ ამ ძალიან მნიშვნელოვან ასპექტს. დღესასწაული ძალიან კარგია და ჩვენ ყველანი ერთად ვზეიმობთ, თუმცა მცენარეებს უნდა გავუფრთხილდეთ“, - განაცხადა გიორგი კვირიკაშვილმა მთავრობის სხდომის დაწყებამდე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა