საქართველოს ხელისუფლება ინდოეთთან თავისუფალი ვაჭრობის შესახებ მოლაპარაკებების დაწყებას გეგმავს. ამის შესახებ მთავრობის სხომის დაწყებამდე პრემიერ-მინისტრმა გიორგი კვირიკაშვილმა განაცხადა.

კვირიკაშვილის განმარტებით, ეკონომიკის სამინისტროს დელეგაცია ნიუ-დელიში მიემგზავრება და კვლევის შედეგების გათვალისწინებით მოხდება  თავისუფალი ვაჭრობის თაობაზე  მოლაპარაკებების დაწყება.

"ჩვენ გვაქვს თავისუფალი სავაჭრო შეთანხმება ჩვენს სამეზობლოსთან, თურქეთთან, ევროკავშირთან და ცოტა ხანში მოვაწერთ ხელს, სავარაუდოდ, ჩინეთთან და ჰონკონგთან. გვინდა, დავიწყოთ კვლევა ინდოეთის მიმართულებით. ამისთვის ნიუ-დელიში მიემგზავრება ეკონომიკის სამინისტროს დელეგაცია გიორგი გახარიას ხელმძღვანელობით. რამდენიმე თვეში გვექნება კვლევა, რომლის შედეგების გათვალისწინებითაც მოხდება თავისუფალი ვაჭრობის თაობაზე მოლაპარაკებების დაწყება. საქართველოს აქვს პოტენციალი, რომ ამ მიმართულებით გახდეს რეგიონული ჰაბი",- აღნიშნა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო