„ავერსის კლინიკაში“ ციროზით დაავადებულ პაციენტს  ცოცხალი დონორიდან ღვიძლის გადანერგვის ოპერაცია ჩაუტარდა.

აღნიშნულ თემასთან დაკავშირებით, „ავერსის კლინიკაში“ პრესკონფერენცია გაიმართა.

როგორც „ავერსის კლინიკის“ დამფუძნებელმა პაატა კურტანიძემ ჟურნალისტებს განუცხადა,  ეს იყო ტექნიკურად ურთულესი ოპერაცია, თუმცა ის წარმატებით ჩატარდა.

„ პირველ რიგში მინდა მადლობა გადავუხადო კოლექტივს, ვინაიდან ეს იყო ძალიან გუნდური მუშაობის შედეგი.  ოპერაცია წარმატებით განხორციელდა. იმედი მაქვს, რომ ძალიან ბევრ მოქალაქეს საქართველოში მიეცემა იმის საშუალება, რომ არ დახარჯოს ძალიან დიდი თანხა, უცხოეთში მკურნალობაზე“, – განაცხადა კურტანიძემ.

მან აქვე აღნიშნა, რომ „ავერსის კლინიკა“ მომავალშიც შეეცდება მკურნალობის ისეთი ტექნოლოგიები დანერგოს, რომელიც მსოფლიოში სიახლეა.

ამასთან, ტრანსპლანტოლოგიის სამსახურის ხელმძღვანელის კობა შანავას თქმით, ღვიძლის ტრანსპლანტაციისთვის  ულტრათანამედროვე ტექნიკით აღჭურვილი ცენტრი მომზადდა და პერსონალმაც სეულის საუნივერსიტეტო კლინიკაში შესაბამისი მომზადება გაიარა.

„ ამან საშუალება მოგვცა, რომ „ავერსის კლინიკაში“ ჩაგვეტარებინა უდაოდ დიდი ოპერაცია, ღვიძლის გადანერგვა ცოცხალი დონორიდან“, – აღნიშნა შანავამ.

ღვიძლის გადანერგვის პირველი ოპერაცია 20 მარტს ჩატარდა. ოპერაცია გოჩა გობეჯიშვილს ჩაუტარდა, დონორი კი მისი არასრულწლოვანი შვილი, მარიამ გობეჯიშვილია.

ოპერაციიდან 15 დღე გავიდა და ორივე პაციენტი უკვე  საავადმყოფოდან გაწერილია.

კობა შანავას თქმით, ისინი თავს კარგად გრძნობენ, თუმცა მათზე ყოველდღიური მონიტორინგი ხორციელდება.  

როგორც გოჩა გობეჯიშვილი ამბობს,  მას ღვიძლის ციროზის დაავადება 11 წლის განმავლობაში ჰქონდა.

„გავდიოდი მკურნალობას, შემდეგ, როცა ღვიძლი გადავიდა სიცოცხლესთან შეუსაბამო მდგომარეობაში, დავიწყეთ ფიქრი იმაზე, სად შეიძლებოდა ეს ოპერაცია გაკეთებულიყო. ევროპის ქვეყნებზე ვაგროვებდი ინფორმაციას, სად შეიძლებოდა ეს ოპერაცია ჩამეტარებინა.  საქართველოში სამწუხაროდ ამის საშუალება არ იყო. თუმცა დღეს უკვე ამის შესაძლებლობა არის.  შარშან დავიწყეთ ღვიძლის კვლევა, მაგრამ დონორი ვერ მოვიძიეთ.  მარიამი იყო არასრულწლოვანი, მასზე საუბარი არც იყო, მაგრამ ამის სურვილი თავად გამოთქვა.  ჩვენ რა თქმა უნდა უარს ვამბობდით, მაგრამ თავისი გაიტანა. ყველაფერი წარმატებით ჩატარდა. ძალიან დიდი მადლობელი ვარ, ოპერაცია ძალიან მარტივად გადავიტანე“, –აღნიშნა გობეჯიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება