იუსტიციის სამინისტროს სსიპ „დანაშაულის პრევენციის ცენტრის" ახალგაზრდული პროგრამების მონაწილეებისთვის იუსტიციის სამინისტროს ეროვნული არქივის საგამოფენო პავილიონში საგანმანათლებლო-შემეცნებითი ღონისძიება გაიმართა.

დანაშაულის პრევენციის ცენტრისა და ეროვნული არქივის ერთობლივ პროექტში -  „სასწავლო ვიზიტი საქართველოს ეროვნულ არქივში"  - თბილისის საჯარო სკოლების 14-დან 18 წლამდე ასაკის 50 მოსწავლე მონაწილეობს.

ღონისძიების ფარგლებში ახალგაზრდები გაეცნენ ეროვნული არქივის საქმიანობასა და მის სტრუქტურას, დაათვალიერეს აკაკი შანიძისადმი მიძღვნილი გამოფენა, მიიღეს ინფორმაცია არქივში დაცულ საინტერესო და მრავალფეროვანი დოკუმენტების შესახებ.

სსიპ „დანაშაულის პრევენციის ცენტრისა" და სსიპ „საქართველოს ეროვნული არქივის" თანამშრომლობის მიზანია იმ ახალგაზრდული პროგრამების მხარდაჭერა, რომლის ფარგლებშიც სამომავლოდ იგეგმება  ახალგაზრდებისთვის საინტერესო და საგანმანათლებლო-შემეცნებითი აქტივობები. სამომავლო ღონისძიებები შეირჩევა მონაწილეთა ინტერესების მიხედვით.

სსიპ „დანაშაულის პრევენციის ცენტრის" ახალგაზრდული პროგრამები, ამჟამად, 18 ქალაქში ხორციელდება, რომელთა მიზანია არასრულწლოვნებში სამოქალაქო და სამართლებრივი ცნობიერების ამაღლება, ჯანსაღი ცხოვრების წესის პოპულარიზაცია, მოხალისეობრივი კულტურის განვითარება, პიროვნული განვითარება და კულტურულ-შემოქმედებითი ინიციატივების წახალისება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა