ჯგუფი Four Lines, რომელიც ოთხმა მეგობარმა დაარსა, ტალინის საერთაშორისო მუსიკალურ ფესტივალზე გაემგზავრა.Tallinn Music Week-ში, რომელიც 27 მარტიდან 2 აპრილამდე იმართება, მსოფლიოს 33 ქვეყნის მუსიკოსები მონაწილეობენ. საქართველოს ფესტივალზე Four Lines წარმოადგენს. ესტონეთის დედაქალაქში ჯგუფი ხვალ ორ კონცერტს გამართავს.

4 მეგობარს ჯგუფის შექმნის იდეა, მას შემდეგ გაუჩნდა, რაც ერთერთ კლუბში გამოსვლის შემდეგ მათი მუსიკით ჰოლანდიელი ტურისტი დაინტერესდა. სწორედ მან შესთავაზა გოგონებს პირველი ალბომის ჩაწერაში დახმარება. Four Lines-ის მუსიკა არ მიეკუთვნება რომელიმე ერთ კონკრეტულ მიმდინარეობას, ეს არის სხვადასხვა მიმართულებისა და მოტივების ნაზავი.
 
Four Lines-ს ტალინში გამგზავრებაში თიბისი ბანკის საქველმოქმედო პლატფორმა statusdonates.ge დაეხმარა.

თიბისი სტატუსის საქველმოქმედო პლატფორმის ფარგლებში კიდევ რამდენიმე ახალგაზრდა ხელოვანი დაფინანსდა. ილუსტრატორი ანა ჩუბინიძე, რომელმაც  ანიმაციური ფილმი „ჯიბის კაცი" გადაიღო  ნიუ-იორკის საერთაშორისო საბავშვო კინოფესტივალში მონაწილეობდა. ანა ჩუბინიძის ნამუშვარი ჟიურიმ და მაყურებელმა შეაფასა და ის საბავშვო ფილმების  საუკეთესო 12-ეულში მოხვდა.   New-York International Children's Film Festival -ზე 2500 განაცხადიდან მხოლოდ 100 ფილმმამოიპოვა მონაწილეობის უფლება.  ანა პირველი ქართველია, ვისი პროექტიც ფესტივალის ფინალისტებს შორის მოხვდა. იგიშეერთებულ შტატებში თავისი ნამუშევრის მსოფლიო პრემიერაზე 15 მარტს თიბისი სტატუსის საქველმოქმედოპლატფორმის დახმარებით იმყოფებოდა.  
 
statusdonates.ge-ს მხარდაჭერით კიდევ ერთი ახალგაზრდა გაემგზავრება საზღვარგარეთ. 10 წლის ვირტუოზი პიანისტი გოგონა ახალქალაქიდან, რომელსაც განსაკუთრებული საფორტეპიანო მონაცემები აქვს, ცნობილმა პედაგოგმა და მეთოდოლოგმა მიშელ სონიმ პარიზში მიიწვია. ცნობილი პიანისტის ელისო ბოლქვაძის შეფასებით, ანაჰიტს იშვიათი მუსიკალური ნიჭი აქვს და ხელშეწყობა ესაჭიროება.
 
ამჟამად პლატფორმა statusdonates.ge-ზე შეგიძლიათ ნახოთ სხვა საინტერესო ისტორიები, რომელთა წარმატებაში მონაწილეობის მიღება ყველას შეუძლია.
 
„თამაშობანამ" უსინათლო ბავშვებისთვის ადაპტირებული, საინტერესო თამაში შექმნა. ეს არის „აფორიზმობანა", რომელიც ლოტოს პრინციპზეა დაფუძნებული და მასში ქართული აფორიზმებია გამოყენებული. იმისთვის, რომ უსინათლო ბავშვებმა თავიანთ თანატოლებთან ერთად გართობა შეძლონ,  საჭიროა ხის სათამაშო დაფებზე ბრაელის შრიფტით დაბეჭდვა.  პროექტის განხორციელების შემთხვევაში, საქართველოში მცხოვრებ 300-მდე უსინათლო ბავშვს „აფორიზმობანა" საჩუქრად გადაეცემა.  პროექტის განსახორციელებლად საჭირო თანხის ნახევარზე მეტი უკვე შეგროვილია.
 
აქვე ნახავათ უსინათლო მხატვრის გიორგი ქობელაშვილის ისტორიასაც, რომელმაც მხედველობის დაკარგვის მიუხედავად, საყვარელი საქმიანობა არ შეწყვიტა. გიორგი უნიკალური მეთოდით ხატავს, მისი ნამუშევრების პერსონალური გამოფენა რამდენიმე თვის წინ თიბისი გალერეაში გაიმართა. ახლა კი ის პოლონეთში, საერთაშორისო გამოფენაზეა მიწვეული, რისთვისაც ნამუშევრების ახალ სერიას ქმნის.  ვარშავაში გასამგზავრებელი თანხის შეგროვებაში გიორგი ქობელაშვილს პლატფორმა statusdonates.ge ეხმარება.
 
(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა