ჩემი შვილის საქმეში მონაწილე, კუკური წივწივაძე, ივანიშვილის ნათესავია, - ამის შესახებ გაზეთ "ქრონიკა პლუსის" მთავარმა რედაქტორმა ელისო კილაძემ მისი შვილის დაკავების შესახებ საუბრისას, გადაცემა "არჩევანში" განაცხადა.

მისი თქმით, კუკური წივწივაძე, რომელიც ამბობს, რომ ოპერატიული ინფორმაცია მიიღო დავით ხარშილაძესთან დაკავშირებით, არის ბიძინა ივანიშვილის ახლობელი.

„კუკური წივწივაძე გახლავთ ბიძინა ივანიშვილის ბიძაშვილის, ქეთევან ივანიშვილის, სიძე და ლიკა ივანიშვილის მეუღლე. ლიკა ივანიშვილი შსს-ს თანამშრომელია“, - განაცხადა ელისო კილაძემ. 

მისივე თქმით, დაახლოებით 2 თვით ადრე მას მიაწოდეს ინფორმაცია, რომ მის შვილს საბურთალოზე ელოდებოდა პოლიცია, რომელიც გეგმავდა მისთვის ნარკოტიკის ჩადებას, თუმცა მაშინ მან დროულად იმოქმედა და დავით ხარშილაძე გზიდან უკან მოაბრუნეს.

„ჩვენი მოლაპარაკება არ შედგება, იმიტომ რომ ეს ეხება ჩვენი ქვეყნისათვის ძალიან მნიშვნელოვან საქმეს და ეს ეხება ქრონიკა პლიუსს და ეს ეხება ჩემს პოზიციას. ეს მოლაპარაკებები დაიწყო გასულ ზაფხულს, ქუთაისში ჩავიდნენ ჩემს ერთ-ერთ მეგობართან, ვინმე გიორგიმ მას უთხრა, რომ, თუ ის ამ საქმიანობას გააგრძელებს, ის თავს წააგებს, ჩემზე იყო საუბარი“, - განაცხადა ელისო კილაძემ.

როგორც კილაძემ აღნიშნა, მუდმივად ხდებოდა საინფორმაციო სააგენტოებში ინფორმაციის გავრცელება, რომ მისი შვილი, ელისო კილაძე თავად და მისი მეუღლე ნარკოტიკის მომხმარებლები იყვნენ.

„ამას ყველაფერს სათავეში ედგა სუს-ის უფროსის მოადგილე, იოსებ გოგაშვილი. ეს არის მისი აგენტურული ქსელი, სააგენტოები სუს-ის, რომელიც ფინანსდება პირადად გოგაშვილის მიერ“, - განაცხადა ელისო კილაძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

FT: ტრამპის მეგობარი რუსულ „ნოვატეკს“ დაეხმარა ალასკაში სტრატეგიული თხევადი ბუნებრივი აირის პროექტის მშენებელ ამერიკულ კომპანიაზე კონტროლის მოპოვებაში

ორიოლის სამხედრო ქარხანაზე სარაკეტო თავდასხმის შედეგად რვა ადამიანი დაშავდა, ერთი გარდაიცვალა

ტრამპი დაემუქრა რუსეთსა და უკრაინას 200%-იანი ტარიფების დაწესებით, თუ ომი გაგრძელდება

ორ პირს რომლებმაც მოქალაქეს ინტიმური ვიდეო გაუვრცელეს და თვითმკვლელობამდე მიიყვანეს ,ხოლოდ 5 წელი შეეფარდათ