ელისო კილაძე შვილის დაკავებაზე: ეს პირდაპირ უკავშირდება ჩემს ჟურნალისტურ საქმიანობას

2017-03-16 23:48:07, 2325 ნახვა

სამართალი

ეს პირდაპირ უკავშირდება ჩემს ჟურნალისტურ საქმიანობას, - ასე აფასებს გაზეთ ქრონიკა პლუსის მთავარი რედაქტორი, ელისო კილაძე მისი შვილის დაკავების ფაქტს.

მისი თქმით, საქმის მოსამართლე ვეფხვია ლომიძე, „ჩვეულებრივი ქოცია და ეს არის ქართული ოცნების დავალებების შემსრულებელი წინასწარი პატიმრობის შეფარდების დროს“.

როგორც ელისო კილაძემ "განსხვავებულ აქცენტებში" აღნიშნა, შვილის დაკავებამდე მას რამდენიმე კვირით ადრე ემუქრებოდნენ.

„ჩემთან იყო მუქარები შვილის დაკავების და ორი კვირის განმავლობაში ამ ფაქტამდე, მისი საყვარელი დეიდაშვილის, უჩა მამაცაშვილის მეშვეობით, შუამავალი დადიოდა ჩემთან, რომელიც მთხოვდა გარიგებას. გარიგების შინაარსი იყო ის, რომ, პირველი, რუსთავი 2-ის საქმიდან გვერდზე დავმდგარიყავი და, მეორე, შემეცვალა ტონი და მთლიანად ვყოფილიყავი ქართული ოცნების განკარგულებაში“, - განაცხადა ელისო კილაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან