„ევროპული საქართველოს“ წევრი ირაკლი აბესაძე პრემიერის განცხადებას, რომ ბათუმის მოვლენებზე პასუხისმგებლობა "ნაციონალურ მოძრაობას" ეკისრება, სამარცხვინოს უწოდებს.

მისივე თქმით, უმჯობესი იქნება, პრემიერმა  გადაბრალების ნაცვლად,   საკუთრ გუნდში ეძებოს შეცდომები:

„მორიგ ჯერზე სამარცხვინოა საქართველოს მთავრობის განცხადებები, პრემიერის პოზიცია, რომელიც ვერ იღებს ელემენტარულ რაღაცებზე პასუხისმგებლობას ქვეყანაში. ყველამ კარგად დაინახა, თუ როგორ სუსტად გამოიყურებოდა სახელისუფლებლო რეაქცია იმ ვანდალურ ფაქტებზე, რაც ხდებოდა ბათუმში და როგორ ვერ შეძლო ხელისუფლებამ ეფექტურად დაეცვა ადამიანის უფლებები, თუ სახელმწიფო ქონება, რომელიც იმ პერიოდში ნადგურდებოდა.  გადაბრალების ნაცვლად, საქართველოს პრემიერს ვურჩევთ, საკუთრ გუნდში ეძებოს შეცდომები და აიღოს ამ ყველაფერზე პოლიტიკური პასუხისმგებლობა ქართულმა ოცნებამ, ხოლო გამოძიების შემდეგ თუ კი გამოიკვეთება რომელიმე თანამდებობის პირის პასიურობა, შეიცავდა სისხლის სამართლის დანაშაულის ნიშნებს, რა თქმა უნდა უნდა, დადგეს მათი პასუხისმგებლობის საკითხი ისევე, როგორც გამოძიებული უნდა იყოს იმ ადამიანების საქმიანობა, რომლების  მოქმედებაც გასცდა ნორმალური, მშვიდობიანი აქციის ფორმებს და მიიღო დანაშაულებრივი ნიშნების სახე“, - აღნიშნა ირაკლი აბესაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე