ომბუდსმენი: ზოგადად, დროის ასე მოკლე მონაკვეთში პოლიტიკურად აქტიური პირების დაკავება, საეჭვოა

2017-03-15 13:48:36, 2605 ნახვა

სამართალი კომენტარი

საქართველოს სახალხო დამცველი უჩა ნანუაშვილი ელისო კილაძისა და ხატია დეკანოიძის შვილების დაკავების ფაქტს გამოეხმაურა.

ნანუაშვილის თქმით, დროის მოკლე მონაკვეთში პოლიტიკურად აქტიური პირების დაკავება ეჭვებს აჩენს.

„ნარკოპოლიტიკა არის რეპრესიული ქვეყანაში. ჩვენ არაერთი რეკომენდაცია გვქონდა. იმედი მაქვს, უახლოეს ხანებში ნარკოპოლიტიკა გადაიხედება და რესურსი მიმართული იქნება რეაბილიტაციასა და მკურნალობაზე და არა რეპრესიასა და დასჯაზე“, - აღნიშნა ნანუაშვილმა.

მისივე თქმით, კილაძის შვილისა და დეკანოიძის შვილის დაკავების საქმეებს სწავლობენ.

„დაწყებული გვაქვს შესწავლა. მოვინახულეთ ელისო კილაძის შვილი. გარკვეულ დარღვევებზე საუბრობს დაკავებული. დღეს გავუგზავნეთ სპეციალური წინადადება შინაგან საქმეთა სამინისტროს დაკავების პროცესში პოლიციელბის მხრიდან არაეთიკური საქციელის გამო და ვითხოვთ მოკლე ვადებში დაიწყოს დისციპლინური საქმის წარმოება ამ საქმეზე კონკრეტული პოლიციელის მიმართ. ასევე სხეულზე დაზიანებებთან დაკავშირებით, უკვე მივმართეთ პროკურატურას, რომ შეისწავლოს ეს საკითხი“, - განაცხადა უჩა ნანუაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან