აზეთ "ქრონიკა პლუსის" დამფუძნებლისა და მთავარი რედაქტორის ელისო კილაძის განცხადებით, მისი შვილის დაკავების დროს საპროცესო და კონსტიტუციური ნორმებია დარღვეული და ის სარჩელის შეტანას სტრასბურგის სასამართლოში აპირებს. 

როგორც ელისო კილაძე სოციალურ ქსელ Facebook-ის საკუთარ გვერდზე წერს, პატიმრობიდან დაუყოვნებლივ გათავისუფლების მოთხოვნით მან სარჩეილი პროკურატურაში უკვე შეიტანა. 

"გავეცანით ჩემი შვილის საქმის მასალებს, საქმეში დევს მხოლოდ სამი პოლიციელის ჩვენება და არც ერთი სხვა მტკიცებულება,პირადი ჩხრეკის და დაკავების დროს უხეშად დარღვეულია საპროცესო და კონსტიტუციური ნორმები.

საჩივარი უკანონო პატიმრობიდან დაუყოვნებლივ გათავისუფლების მოთხოვნით უკვე შევიტანეთ მთავარ პროკურატურაში, მივმართავთ სახალხო დამცველს.

ვემზადებით სტრასბურგის სასამართლოსთვის და პროტესტის უკიდურესი ფორმისთვის", - წერს კილაძე. 

ცნობისთვის, გაზეთ "ქრონიკა პლუსის" დამფუძნებლისა და მთავარი რედაქტორის, ელისო კილაძის შვილისთვის,  დავით ხარშილაძისთვის, აღკვეთის ღონისძიების შეფარდების საკითხზე სასამართლო სავარაუდოდ დღეს იმსჯელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა