საქართველოში უკრაინის პრეზიდენტისა და უნგრეთის პრემიერ-მინისტრის ვიზიტები იგეგმება

2017-03-14 16:40:21, 1712 ნახვა

პოლიტიკა

მიმდინარე კვირას საქართველოს უკრაინის და უნგრეთის საგარეო საქმეთა მინისტრები ეწვევიან.

ამის შესახებ საქართველოს საგარეო უწყების ხელმძღვანელმა მიხეილ ჯანელიძემ მთავრობის სხდომის დასრულების შემდეგ ჟურნალისტებს განუცხადა.

მინისტრის თქმით, კოლეგებთან შეხვედრაზე სხვა საკითხებთან ერთად საქართველოში უკრაინის პრეზიდენტის პეტრო პოროშენკოსა და და უნგრეთის პრემიერ-მინისტრის ვიქტორ ორბანის ვიზიტების მომზადებაზე ისაუბრებენ.

„მინდა მივესალმო ჩვენი ორი კოლეგის საქართველოს მეგობარი ორი ქვეყნის საგარეო საქმეთა მინისტრების ვიზიტს. ეს არის უნგრეთის და უკრაინის საგარეო საქმეთა მინისტრები, რომლებიც მიმდინარე კვირაში ეწვევიან საქართველოს. იგეგმება უკრაინის პრეზიდენტის და უნგრეთის პრემიერ-მინისტრის ვიზიტი საქართველოში. საგარეო საქმეთა მინისტრებთან შეხვედრა გამოყენებული იქნება ამ მაღალო დონის ვიზიტების დასაგეგმად და ორმხრივ, რეგიონალურ ურთიერთობებში შემდგომი თანამშრომლობის ნაბიჯების განსასაზღვრად“,-განაცხადა მიხეილ ჯანელიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან