ქურდული სამყაროს წევრები ბათუმის სხვადასხვა უბანში ახალგაზრდების ორგანიზებას 10 და 11 მარტს ახდენდნენ. ამის შესახებ „ექსპრესნიუსს“ რამდენიმე ადგილობრივმა მცხოვრებმა უთხრა.

როგორც ინფორმირებული მოქალაქეები აცხადებენ, 10 მარტს, საღამოს ბათუმის სხვადასხვა უბნებში ქურდული სამყაროს წევრებმა უბნის ე.წ  მაყურებლები შეკრიბეს და მათ დაავალეს,  პოლიციისთვის წინააღმდეგობის გასაწევად მინიმუმ 10 ან 15 ადამიანი მოენახათ.

„სხადნიაკი მოაწყვეს 10 მარტს, ღამით ჩვენს უბანში, გარეთ.  უბნის მაცხოვრებლები ხედავდნენ ადამიანების შეკრებას. ამ შეკრებაზე ქურდული სამყაროს წარმომადგენლებმა ახალგაზრდებს მისცეს დავალებები შეეკრიბათ რამდენიმე ახალგაზრდა მამაკაცი, სასურველი იყო ხელკეტებით შეიარაღებულები“ - განუცხადა „ექსპრესნიუსს“ შეკრების ერთ-ერთმა თვითმხილველმა.

„ახალგაზრდების შეკრებაში ჩართული იყვნენ ძირითადად ქურდულ სამყაროსთან დაკავშირებული ადამიანები, მათ შორის რამდენიმე უკვე არის წარსულში ნასამართლევი სხვადასხვა დანაშაულისთვის“ - უთხრა „ექსპრესნიუსს“ ინფორმირებულმა მოაქალაქემ.

შეკრების ადგილად ქურდული სამყაროს წარმომადგენლებმა ახაგაზრდებს დაუსახელეს აჭარის პოლიციის მთავარი სამმართველოს შენობა. გარდა ამისა, ისინი  ახალგაზრდების პროპაგანდირებას ცდილობდნენ არგუმენტებით, თითქოს „ბათუმი გაწითლდა“, „პოლიცია უნდა დაასუსტონ“ და „ხალხი უნდა ააბუნტონ ყველა მიზეზით“ - ეს ის გზავნილებია რაც ახალგაზრდებთან ქურდული სამყაროს წევრებმა გაიტანეს და მათი მიბილიზება მოახდინეს.

„ექსპრესნიუსი“რესპოდენტების ვინაობას, მათივე უსაფრთხოების გამო არ ასახელებს.

აღსანიშნავია, რომ 10 და 11 მარტის შეკრებების ორგანიზატორთაგან არცერთი იყო ე.წ კანონიერი ქურდი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს