გაბაიძე: მთავარი მოთხოვნა შესრულებულია, ახლა დავმშვიდდეთ და ნალოლიავებ ინფრასტრუქტურას მოვუფრთხილდეთ

2017-03-12 03:32:15, 1335 ნახვა

საზოგადოება

აქციის მონაწილეების მთავარი მოთხოვნა შესრულებულია, ახლა უნდა დავმშვიდდეთ და ნალოლიავებ ინფრასტრუქტურას მოვუფრთხილდეთ, - ამის შესახებ აჭარის უმაღლესი საბჭოს თავმჯდომარე დავით გაბაიძემ "აჭარის ტელევიზიის" ეთერში განაცხადა.

მისი თქმით, ის, რაც ბათუმში ხდება არც ერთ მხარეს არ აწყობს. მისივე განცხადებით, თუ აღმოჩნდა, რომ ვინმეს მიმართ ძალის გადამეტებას ჰქონდა ადგილი და ვინმეს უსამართლოდ მოეპყრნენ, პირველ რიგში, ის დადგება ამ ხალხის გვერდით

„ჩემი შეფასება არის ძალიან მოკლე - ეს არის ძალიან ცუდი, მაგრამ შეფასებაზე მეტად ახლა მოწოდება მინდა გავაკეთო - დავმშვიდდეთ, არავის აწყობს ეს პროცესი, არც იმ მხარეს, რომელიც პროტესტს გამოთქვამს და არც იმას, ვინც ცდილობს, რომ პროცესები გადაიყვანოს მშიდ ვითარებაში. მთავარი მოთხოვნა შესრულებულია. ახლა უნდა დავმშვიდდეთ და ისედაც ნალოლიავებ ინფრასტრუქტურას - ძლივს კეთდება რაღაც ქალაქში, უნდა მოვუფრთხილდეთ“, - განაცხადა დავით გაბაიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან