საქართველოს დემოკრატიული ინიციატივის გამგეობის წევრის, იურისტის გიორგი მშვენიერაძის განცხადებით, ტელეკომპანია "რუსთავი 2"-თან დაკავშირებით ევროსასამართლოს გადაწყვეტილება  უპრეცენდენტოა მთლიანად ევროსასამართლოსთვის და საქართველოში დემოკრატიულობის ხარისხის შესანარჩუნებლად მნიშვნელოვანია.

როგორც მშვენიერაძემ "ექსპრესნიუსთან" საუბარში განაცხადა, ხელისუფლებამ კარგად უნდა შეისმინოს ის მესიჯი, რომელიც მიიღო პოლიტიკოსებისაგან, სხვადასხვა საერთაშორისო ორგანიზაციებისაგან, დიპლომატებისგან და ასევე სამართლებრივი ინსტიტუტებისაგან.

"თავი უნდა დაანებოს "რუსთავი 2"-ზე რეპრესიული პოლიტიკის გაგრძელებას, წინააღმდეგ შემთხვევაში პასუხი ხელისუფლებისადმი იქნება გაცილებით მწვავე. ასეთი პასუხი საბოლოო ჯამში დააზარალებს საქართველოს მოქალაქეებს, იმიტომ, რომ მოქალაქეები, რომლებსაც დეკლარირებული აქვთ ევროატლანტიკური არჩევანი ზარალდებიან ხელისუფლების მოქმედებით, რომელსაც საერთო არაფერი აქვთ ევროპასთან. ხელისუფლება თუკი გაიგებს იმას, რასაც მოითხოვს ჩვენგან დასავლური ღირებულებებისადმი პატივისცემა და დაანებებს სიტყვის თავისუფლებას თავს, მოვიგებთ ყველა, ხოლო თუკი ამას არ გააკეთებს დანარჩენი ნაწილი ვიბრძოლებთ სიტყვის თავისუფლების დასაცავად, მათ შორის სასამართლო გზებითაც. მოგებული საქმე, თუნდაც ევროსასამართლოში, სამართალწარმოების გადახედვის მოთხოვნა, აქ იქნება გამარჯვება საბოლოო ჯამში, საქართველოში და არა მარცხი, როგორც ამის წარმოჩენა სურს ხელისუფლებას", - აღნიშნა გიორგი მშვენიერაძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის