ფრაქცია „ქართული ოცნების“ თავმჯდომარის მამუკა მდინარაძის განცხადებით, სამწუხაროდ, პრეზიდენტი იმ ძალიან მნიშვნელოვანი პროცესის დისკრედიტაციას განაგრძობს, რომელსაც საკონსტიტუციო რეფორმა ჰქვია.

მდინარაძის თქმით, პარლამეტის წევრები ხვალ პლენარულ სხდომაზე უნდა იყვნენ და არა „პრეზიდენტის ახალ სპექტაკლზე“.

მმართველი გუნდის წევრის განმარტებით, ამჯერად, პრეზიდენტმა სახალხო განხილვა და პარლამენტარების მიწვევა გადაწყვიტა. 

„იქნებ, ვინმემ ურჩიოს, რომ ასეთ განხილვებს აქვს კანონით გაწერილი დრო. პარლამეტის წევრები ხვალ პლენარულ სხდომაზე უნდა იყვნენ და არა პრეზიდენტის ახალ სპექტაკლზე. შეუძლებელია გამორჩენოდათ, ხვალ რომ სხდომა იყო. დარწმუნებული ვარ, ესეც შეგნებულად გააკეთეს, როგორც წინა შემთხვევის დროს, როდესაც კომიტეტის სხდომების მიუხედავად, განცხადებებს ავრცელებდნენ ფრაქციებს უნდა შევხვდეთო. 

სწორედ ესაა უპატივცემულობა, რაც არ ჯდება არც ერთი მოქალაქის ინტერესში. ასეთი გამოხტომების მიუხედავად, კომისიის ფარგლებში ინტენსიურ მუშაობას გავაგრძელებთ და ახალი, გამართული კონსტიტუციის სახით ისტორიულ შედეგს დავდებთ. პრეზიდენტი კი, მსგავსი მიუღებელი მეთოდებით პოლიტიკური ქულების დაწერის მცდელობას გააგრძელებს, მაგრამ გარწმუნებთ, ეს პროცესს ვერ შეაჩერებს“, - აღნიშნა მდინარაძემ.

შეგახსენებთ, რომ საქართველოს პრეზიდენტი გიორგი მარგველაშვილი ხვალ დაგეგმილ შეხვედრაზე საზოგადოებისთვის კონსტიტუციის საერთო სახალხო განხილვისა და შესაბამისი კამპანიის შესახებ საკუთარი მოსაზრების გაცმობას გეგმავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის