,,ნორმალურ შემთხვევაში საქართველოს პარლამენტის თავმჯდომარე უნდა მიესალმებოდეს პრეზიდენტის ასეთ ფართო ჩართულობას საკონსტიტუციო საკითხების გადაწყვეტაში“, - ასე გამოეხმაურა „ევროპული საქართველოს“ წარმომადგენელი ირაკლი აბესაძე პარლამენტის თავმჯდომარის დღევანდელ განცხადებას.

როგორც აბესაძემ აღნიშნა, პარლამენტის თავმჯდომარე საკონსტიტუციო საკითხების გადაწყვეტაში პრეზიდენტის ჩართულობას უნდა მიესალმებოდეს, თუმცა მისივე თქმით, ხელისუფლება ცდილობს, პრეზიდენტს უფლებები შეუკვეცოს.

„უნდა მიესალმებოდეს იმ ფართო დისკუსიას, რომლის მასპინძლადაც ამ შემთხვევაში გვევლინება პრეზიდენტის ადმინისტრაცია, მაგრამ ამ შემთხვევაში მათ ამოძრავებთ არა სახელმწიფოს მიზნები, არა საზოგადოების ინტერესები, არამედ ის პოლიტიკური დავალება და ნება, რომელიც მომდინარეობს ივანიშვილისგან - ყველა სახელმწიფო შტო და სახელმწიფო პირი ემორჩილებოდეს მას. დაუმორჩილებელი პრეზიდენტის მხრიდან თუნდაც საკონტიტუციო საკითხებზე მსჯელობა სამწუხაროდ, როგორც ჩანს, ქართული ოცნებისთვის მიუღებელია’’,- განაცხადა ირაკლი აბესაძემ.

ცნობისთვის, პარლამენტის თავმჯდომარე ირაკლი კობახიძემ პრეზიდენტი გიორგი მარგველაშვილი დღეს საკანონმდებლო ორგანოს უპატივცემულობაში დაადანაშაულა. მან პრეზიდენტს, მოუწოდა, გვერდზე გადადოს ვიწრო პოლიტიკური ინტერესები და პატივი სცეს კონსტიტუციურ ინსტიტუტებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის