მიშველაძე: მედიაომბუდსმენის შერჩევის პროცესში, ხელისუფლების ნებისმიერი შტოს მონაწილეობა უნდა გამოირიცხოს

2017-03-07 15:01:33, 2143 ნახვა

საზოგადოება კომენტარი

საქართველოს პრეზიდენტის პრესსპიკერის ეკა მიშველაძის განცხადებით, გიორგი მარგველაშვილი პრემიერ-მინისტრის ინიციატივას, მედიაომბუდსმენის ჩამოყალიბებასთან დაკავშირებით მიესალმება.

როგორც მიშველაძემ დღეს გამართულ ბრიფინგზე აღნიშნა, მედიაომბუდსმენის შერჩევისა და დანიშვნის პროცესში ხელისუფლების ნებისმიერი შტოს მონაწილეობა მთლიანად უნდა გამოირიცხოს.

„დღეს, როდესაც ასე აქტიურად გვიწევს საუბარი მედიის და ჟურნალისტების უფლებებზე, კარგი იქნება დაცვის მყარი მექანიზმის შემუშავება, თუნდაც მედიაომბუდსმენის სახით. თუმცა გასათვალისწინებელია ორი ფაქტორი - მედიაომბუდსმენის შერჩევისა და დანიშვნის პროცესში მთლიანად უნდა გამოირიცხოს ხელისუფლების ნებისმიერი შტოს მონაწილეობა და მნიშვნელოვანია, რომ პროცესი იყოს კოორდინაციაში სახალხო დამცველთან“, - განაცხადა მიშველაძემ.

შეგახსენებთ, რომ საქართველოს პრემიერ-მინისტრი გიორგი კვირიკაშვილი მედიაომბუდსმენის ინსტიტუტის ჩამოყალიბების ინიციატივით გამოდის.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან