პარლამენტის პირველი ვიცე-სპიკერის თამარ ჩუგოშვილის განცხადებით, პრემიერ-მინისტრის ინიციატივა საქართველოში, მედიაპლურალიზმის გარშემო არსებულ კითხვებზე პასუხის გამცემი მაღალი ლეგიტიმაციის მქონე ორგანოს არსებობას ემსახურება.

ჩუგოშვილმა მედიაომბუდსმენის შექმნის შესახებ ინიციატივა დადებითად შეაფასა. 

„არასამთავრებო ორგანიზაციებთან, რომლებიც მედიის საკითხებზე მუშაობენ, ძალიან კარგი შეხვედრა გვქონდა. შესაძლებლობა იყო, რომ ის კონკრეტული სამართლებრივი დავა განგვეხილა, რომელზეც ახლა უკვე ევროპული სასამართლო მსჯელობს და ასევე,ზოგადად, მედიაგარემო და მედია პლურალიზმი საქართველოში“, - განაცხადა ჩუგოშვილმა.

მისივე თქმით, ქვეყანაში სიტყვის თავისუფლება, ბევრად უკეთესად არის უზრუნველყოფილი და დაცული, ვიდრე ოდესმე ყოფილა.

„ყველასთვის კარგად არის ცნობილი, რომ ჩვენთვის მედიისა და გამოხატვის თავისუფლება მნიშვნელოვანი ღირებულებაა. ქვეყანაში ეს უფლება, ბევრად უკეთესად არის უზრუნველყოფილი და დაცული, ვიდრე ოდესმე ყოფილა. რა თქმა უნდა, მომართული ვართ, რომ ასეც გაგრძელდეს და პლურალიზმი უზრუნველყოფილი იქნას. ის ინიციატივა, რომელიც პრემიერ-მინისტრმა წამოაყენა, მხოლოდ და მხოლოდ იმას ემსახურება, რომ ამ კუთხით ჩვენ დამატებითი მხარდაჭერა და დახმარება გვქონდეს. საზოგადოებაში, რაიმე კითხვების გაჩენის შემთხვევაში, ამ კითხვებზე პასუხის გაცემის მაღალი ლეგიტიმაციისა და ნდობის მქონე ორგანო არსებობდეს“, - განაცხადა ჩუგოშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა