„საქართველოს მთავრობამ და ეროვნულმა ბანკმა ბევრი მნიშვნელოვანი საერთო რეფორმა დაგეგმა, ამიტომ მნიშვნელოვანია, მონეტარული პოლიტიკა და ფინანსური ზედამხედველობა ერთი ინსტიტუციის ფარგლებში გაერთიანდეს", - აღნიშნული განცხადება ფინანსთა მინისტრის მოადგილემ, ნიკოლოზ გაგუამ დარგობრივი ეკონომიკისა და ეკონომიკური პოლიტიკის საპარლამენტო კომიტეტის დღევანდელ სხდომაზე გააკეთა.

სხდომაზე დეპუტატებმა პირველი მოსმენით საკანონმდებლო ცვლილებების პაკეტი განიხილეს, რომლებიც საფინანსო სექტორის ზედამხედველობის ფუნქციის კვლავ ეროვნულ ბანკში დაბრუნების საკითხს ეხება.

როგორც ფინანსთა მინისტრის მოადგილემ აღნიშნა, ბოლო პერიოდში საქართველოს მთავრობამ და ეროვნულმა ბანკმა ბევრი საერთო რეფორმა დაგეგმა, მათ შორის, ერთ-ერთი ყველაზე მნიშვნელოვანი ლარიზაციის რეფორმაა.

„სწორედ ამიტომ მიგვაჩნია, რომ მონეტარული პოლიტიკისა და ფინანსური ზედამხედველობის მოქცევა ერთი ინსტიტუციის ფარგლებში, სწორი გადაწყვეტილებაა", - განაცხადა ნიკოლოზ გაგუამ.

როგორც გაგუამ აღნიშნა, საქართველოს ეროვნული ბანკის საფინანსო სექტორის ზედამხედველობის ფუნქციის საკანონმდებლო დონეზე განმტკიცებისკენ გადადგმული ნაბიჯები, ხელს შეუწყობს მონეტარული პოლიტიკისა და ფინანსური სტაბილურობის ურთიერთქმედების გაძლიერებას, საერთაშორისო საფინანსო ინსტიტუტებთან თანამშრომლობისა და პარტნიორობის გაღრმავებას.   

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა